Tula-tulando rasulu 6:2 - Muna Southern Dialect

² Dadiꞌanomo rasulu ompulu hoduano dofohompumo kosasawindo mie marasaeano. Ambado, “Ingka pae naetaaꞌa tametumpu taefolele bhoasaono Lahataꞌala, mbaꞌinomo taeꞌondofao nehumaa.

Tula-tulando rasulu 6:2 Referans Kwoze

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

Tula-tulando rasulu 25:27

Kapaꞌamo afekihie pae namantasi daepakatu seemie titaangino ane pae bhe kasangkati nesungkuꞌao.”

Tula-tulando rasulu 21:22

Kaowu nadamo amai itua? Ingka tetewei dametingke hatomo we ini.

Tula-tulando rasulu 4:19

Tamaka Petrus bhe Yohanes tadotobhoosi ambado, “Tabhotusimoomu wutomiu bhahaꞌi nada amai metaaꞌanoa weo pomatano Lahataꞌala: tamangkafi pahintamiu bhahaꞌi tamangkafi pahintano Lahataꞌala?

Tula-tulando rasulu 6:1

Wakutuu anaꞌa mie mangkafino Yesus sadhulu-dhulu kabhahi. Miendo Yahudi mepakeno wamba Yunani, dopahamuntuꞌao miendo Yahudi mepakeno wamba Ibrani, mbaꞌinomo bhihinandado miina natiꞌondofao metaaꞌa. Andoa ini miina daeꞌawa kafaraluu nedawu-dawundo seꞌo-seꞌoleo.

Tula-tulando rasulu 6:3

Dadiꞌanomo, bhahitie-bhahitie, mepili kaitaomu dapipitu ne olotando mie marasaeano, maka tasumangkeda so umondofaono kafaraluu aini. Mie so nepilintoomu tabeano mie metaa weo pomatando mie bhahi, tabeano nekabhintino Rohino Lahataꞌala bhe dokotimbangi.