Tula-tulando rasulu 5:40 - Muna Southern Dialect

⁴⁰ Pada anaꞌa rasulu maitu dofopesuadamo toha maka dopepekida bhe doꞌeleꞌaanda dafofoguhu damake neano Yesus. Pada amaitu dofolapadamo.

Tula-tulando rasulu 5:40 Referans Kwoze

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

2 Korintus 11:24

Lima pakumo dohambisi kanau miendo Yahudi depake habuta, taenomo dohambi kanau ampa tolu fulu siua paku.

Tula-tulando rasulu 5:28

“Padamo tafokii-kiikoomu taꞌeleꞌaangkoomu fofoguhuomu weo neano mie aitu. Tamaka o ae koꞌulaꞌano? Kafoguhumiu nokabhintiemo kosekaꞌewaꞌae Yerusalem, pakade patudhumiu kamateꞌano mie aitu malaꞌa kainsamieꞌomu insaodi.”

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Lukas 20:10

Nohato wulano defoꞌonu pehapi, netudumo seemie bhatuano nakumala ne kumahadhaano te kaampono angguruno naꞌa, so namalaꞌao dawuno. Tamaka mie kumahadhaano tadohambisi bhatua anaꞌa maka dotudue nasumuli haambali limano.

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”