Tula-tulando rasulu 5:36 - Muna Southern Dialect

³⁶ Endefiꞌini nandoo koneaꞌano Teudas, noabhi wutono mie bhalano, sampe mangkafie dapefato moꞌono. Tamaka dopongkoe kaowu, mie mangkafie naꞌa tadopogasa-gasamo, tanopalusimo peda aitu.

Tula-tulando rasulu 5:36 Referans Kwoze

Tula-tulando rasulu 8:9

Weo kota aitu nandoo dua seemie koneaꞌano Simon, nomponamo nehabu pasingara sampe domenteane sepaliꞌa raꞌeatino Samaria. Mie aini noabhi wutono tapedamo mie kokuasa.

2 Petrus 2:2

Dabhahi mie so mangkafino podiundo nekuasaino sabhaha nafusuu modai. Hampano kafoinaꞌu bhe habundo dabhahi mie so mekaꞌaebuno Kaangkaꞌano Kabanara, ⸤ maꞌanano kaparasaea ne Kristus⸥ .

Powoha 17:5

Ne kondaꞌino notibuhi nea tifebuniꞌano maꞌana, Babel bhalano, inandomo sabhaha karambole bhe kamaiꞌaoꞌano sabhaha diu timolampi ne dhunia ini.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Galatia 2:6

Mahingga tanada amaimo, mie nefokamungkula weo umati maitu miina damosuhu kanau aetubhahi atora buꞌou weo kafoinaꞌuku. Andoa naꞌa akonada mie nefokamungkula weo umati, tamaka weo namisiku mie nefokamungkula bhe suano tanopototomo, kapaꞌamo Lahataꞌala miina naepoꞌala-alaꞌao mie.

Tula-tulando rasulu 21:38

Kunaꞌekumo hintu ini miendo Mesir mehabuno kahungga haꞌoleo ini, mefileiꞌaono fato hewu gurumbola koewangano we pandaso bhalano. Gahaꞌa suano?”

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Powoha 17:3

Pada anaꞌa nokabhinti kanaumo Rohino Lahataꞌala maka nowowoꞌo kanau we pandaso bhalano. Ne itu awohamo seemie hobhine nengkoha-ngkoha te wawono seꞌulu kadadi, waranaano o kadea lalo moꞌito. Uluno kadadi anaꞌa noponoꞌao nea mekaꞌaebuno Lahataꞌala; fotuno fitu pongke, tanduno ompulu pele.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Matius 24:26

Dadiꞌanomo ane mie dapugau ne hintimiu, ‘Bhe Mesias Omputo Fosalamatino te pandaso bhalano’, koe kalaomua; tawa, ‘Mesias nekaꞌuko weo boloku’, koise parasaeaꞌomua.

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

Tula-tulando rasulu 5:35

Pada anaꞌa ambano ne kamungkulaꞌi, “Bhahitieꞌiku miendo Israel, fekihiomu kadeki fekataa-taa so nehabumiu ne mie andoa ini!