Biblia Todo Logo
Bib sou entènèt

- Piblisite -




Tula-tulando rasulu 5:16 - Muna Southern Dialect

16 Dopohato-hatomo dua mie bhahi maiꞌaono ne liwu-liwu momaꞌoꞌano bhe Yerusalem, deowaꞌi mie mosaki bhe nepesuakino seetani. Kosasawindo dofekaꞌosada.

Gade chapit la Kopi




Tula-tulando rasulu 5:16
16 Referans Kwoze  

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.


Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”


Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.


Tamaka mie bhahi dopandeꞌaane lasao doangkafie. Yesus notahimada maka nofoinaꞌuanda Kafopahintaꞌano Lahataꞌala bhe nofekaꞌosa mie mefaraluuno katotomata.


Seꞌoleo tangasano Yesus nofofoinaꞌu nandoo seemie hodua miendo Farisi bhe pande-pande Kitabi dengkoha-ngkoha dofetingke pugauno. Andoa domaiꞌao ne sabhaha liwu ne kadieno Galilea, Yudea bhe Yerusalem. Kuasano Ompu nokabhinti Yesus sampe nembali nefekaꞌosa mie mosaki.


Nosoo kaowu oleo, Yesus deowaꞌianemo mie nepesuakino seetani. Yesus tanopugaumo kaowu sewobha wamba, seetani andoa maitu dopuli dolimba. Anoa nofekaꞌosa dua kosasawindo mie mosakino.


Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.


Seemieno nowaꞌane kapooli foliuno kamatangka kaparasaeano, o Rohimo dua aitu fowaꞌaono. Seemieno nowaꞌane kapooli naefekaꞌosa mie mosaki, o Rohimo dua anaꞌa fowaꞌaono.


Sanopandeꞌao lalono gahaꞌa dobhohe-bhoheꞌie mie mande maitu, Herodes noꞌamaha sepaliꞌa. Dadiꞌanomo nofotudumo damongko kosasawindo anaꞌi moꞌane tapaꞌo kumapono haa taꞌu we Betlehem bhe liwu-liwu ne owano. Aini nopokantibha bhe wakutuu katiwohaꞌano kulipopo, peda nefeenaꞌaono ne mie mande naꞌa.


Sampe kanandooꞌanomo dua deowaꞌi mie mosaki ne wiwino kaangkaꞌa, tadofondoledamo ne kaodoꞌa tawa ne kampasi, bhahaꞌi kaowu namangka Petrus tadua nakumantibhadamo ondulano.


Hato panda-pandano Imamu Bhalano bhe kosasawindo mangkafie - sanea miendo Saduki - doewamo, mbaꞌinomo kakoulano lalo.


Kamaiꞌando dametingkeꞌao pugauno bhe so daoꞌosaꞌao ne sakindo. Mie nepesuakino seetani nofekaꞌosada dua.


Swiv nou:

Piblisite


Piblisite