Tula-tulando rasulu 4:33 - Muna Southern Dialect

³³ O rasulu dosakusiiꞌao putae Ompu Yesus nowanumo maiꞌao ne mate. Pugaundo noponoꞌao kuasa. Kosasawindo marasaeano nobarakatida mpuu Lahataꞌala.

Tula-tulando rasulu 4:33 Referans Kwoze

Yohanes 1:16

Kabhalano kanini kaasi sampe kosasawintoomu nopoangka-angkatulu deꞌawaomu kabarakati.

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

Tula-tulando rasulu 4:30

Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Lukas 2:52

Yesus dhulu kabhala dhulu kapande, dhulu noasiane Lahataꞌala bhe doasiane dua manusia.

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.