Tula-tulando rasulu 28:8 - Muna Southern Dialect

⁸ Ne naꞌa amano Publius nendole-ndoleꞌao saki. Sakino nosodoe bhe nedeaꞌao hea. Paulus nopesuaki bolokuno, nosambaheaꞌane poowa notei limano te wawono maka nofekaꞌosae.

Tula-tulando rasulu 28:8 Referans Kwoze

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Markus 6:5

Ne liwuno naꞌa Yesus miina naembalia nehabu giu timenteꞌaono, mpahinomo notei limano te wawondo seemie hodua mosakino lasao doꞌosa.

Markus 16:18

Ane daeintaha ule bhahaꞌi daohoꞌu hasu, pae daeꞌawa balaa. Ane datumei limando te wawono mie mosaki, mosakino aitu naoꞌosa.”

Matius 9:18

Tangasano Yesus nopuga-pugau peda naꞌa bhe andoa, nomaimo seemie mandeꞌaono lambu kasambaheaꞌa. Sahatono notaohao sombano ne Yesus bhe nopugau ambano, “Anaku hobhine kaneꞌo nobhotu, mai tei limamu te wawono neanomo sumuli nadumadi.”

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 12:9

Seemieno nowaꞌane kapooli foliuno kamatangka kaparasaeano, o Rohimo dua aitu fowaꞌaono. Seemieno nowaꞌane kapooli naefekaꞌosa mie mosaki, o Rohimo dua anaꞌa fowaꞌaono.

Matius 10:8

Fekaꞌosadaomu mie mosaki, fowanudaomu mie mate, fekaꞌuhidaomo mie kokuli modaino, folimbadaomu seetani. Kosasawiꞌae ini awaeꞌomu miina umolieꞌomua, dadiꞌanomo tafowaꞌaomoomu dua.

Matius 10:1

Yesus nebhasi anaguhuꞌino doompulu hodua maka nowaꞌanda kuasa daefolimba seetani, daefekasali sabhaha saki bhe kadaino namisi.

Lukas 13:13

Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.

Lukas 4:40

Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada.

Markus 7:32

Ne itu deowaanemo seemie kapongke pakade nomahasai nopugau, maka desalo natumei limano te wawono.

Markus 5:23

bhe nesalo mpuu ambano, “Anaku hobhine nosaohi sepaliꞌa sakino, ane naembali mai teiane limamu te wawono, noꞌosaꞌao, keana nomate.”

Matius 12:13

Pada anaꞌa nopugau ne mie mokepeno lima maitu, “Fonsoho limamu!” Mie aitu nofonsoho limano, lasao noꞌosa peda limano sembalino.

Tula-tulando rasulu 28:7

Ne owando naꞌa nandoo wite fehebuaꞌano mowano liwuto aitu, neano Publius. Anoa notahima metaa kainsami tabutu we lambuno bhe noꞌondofa kainsami sampe tolu oleo.

Tula-tulando rasulu 28:9

Pada kadhadhia anaꞌa domaimo dua mie mosaki sigaoꞌano ne liwuto aitu maka andoa nofekaꞌosada dua.