Tula-tulando rasulu 28:28 - Muna Southern Dialect

²⁸ Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Tula-tulando rasulu 28:28 Referans Kwoze

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Lukas 3:6

kosasawindo mie damoha kasalamati maiꞌaono ne Lahataꞌala.’ ”

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 15:17

neanomo kosasawindo mie sigaoꞌano daꞌumondofi Ompu, sabhaha bansano liwu suano Yahudi naꞌa akonadamo umatiku’. Nengkemo naꞌa nekobhoasaꞌaono Ompu, mokonandoono bhahi-bhahiꞌae.

Tula-tulando rasulu 15:14

Simon kaneꞌo pada netula-tulaꞌao kabhao-bhaono Ompu Lahataꞌala noꞌondofao mie suano Yahudi, patudhuno naepili ne olotando so membalino umatino.

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Roma 4:11

Kasuna maitu notahimae peda sehonda tanda, o bukutii motangka putae Lahataꞌala notahimae peda seemie banara hampano kaparasaeano. Gahaꞌaitumo ingka miinaꞌo naesunaa, noparasaeamo. Pedamo anaꞌa Abraham nembalimo amando kosasawindo mie tapa nesuna marasaeano, neanomo Lahataꞌala natumahimada peda mie banara.

Roma 11:11

Ameena dua: bhahaa katitunondo miendo Yahudi somo katiloleꞌando ⸤ maka paemo damoolia damanu⸥ ? Ingka paise. Tamaka dhosando miendo Yahudi neowamo kasalamati mbali bansano liwu suano Yahudi, somo kakonduaꞌano lalondo miendo Yahudi.

Tula-tulando rasulu 13:38

Dadiꞌanomo bhahitieꞌiku tabeano mandeꞌaaneomu! Bhihita katiꞌamponiꞌano dhosa ini dofohatoangkoemoomu hampano Yesus ini.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 2:14

Tamaka Petrus noehemo bhe rasulu ompulu seemieno maka nopugau nofekabhala-bhalaꞌie ne mie bhahi, ambano, “Miendo Yahudi bhe kosasawimiu meateno we Yerusalem ini, fetingkeeꞌomu bhe tandaiꞌeomu pugauku ini.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Tula-tulando rasulu 28:29

[Sapadano nopugau peda naꞌa miendo Yahudi dosulimo bhe dopotaga-tagali sapada-pada andoa.]