Tula-tulando rasulu 28:17 - Muna Southern Dialect

¹⁷ Nopooli tolu oleo we Roma, Paulus nosaliꞌimo neangkaꞌindo miendo Yahudi ne itu. Dohompu kaowu nopugaumo ambano, “Bhahitieꞌiku, idi ini miina akokaꞌalaa naetaa ne saliwuntoomu naetaa ne adhatindo kamungkulaꞌintoomu, tamaka dohako kanau we Yerusalem, maka doowa kanau ne limando miendo Roma.

Tula-tulando rasulu 28:17 Referans Kwoze

Tula-tulando rasulu 25:8

Tamaka Paulus nopotunduꞌaomo wutono ambano, “Idi bhe naseendai miina akokaꞌalaa, mahingga ne tubhono agama Yahudi, mahingga ne Lambuno Lahataꞌala tawa ne Omputo Kaisar, miina dua.”

Tula-tulando rasulu 6:14

Insaodi tafetingkee dua ambano, ‘Yesus maiꞌaono we Nasaret maitu namohansuru Lambuno Lahataꞌala ini, tubhono adhati kahunsaꞌaontoomu ne Musa nabhaliiꞌe!’ ”

Tula-tulando rasulu 25:10

Notobhoosimo Paulus ambano, “Idi aeehe-ehemo ne wiseno kaebhotusiꞌano Omputo Kaisar, dadiꞌanomo tabeano ne iniꞌaemo so katibhotusiꞌano parakaraku ini. O hintu pandeꞌaane sepaliꞌa, bhe naseendai miina akokaꞌala ne miendo Yahudi.

Tula-tulando rasulu 22:5

Kabanarano pugauku ini naembali dasumakusiiꞌane Imamu Bhalano bhe Sahano kamungkulaꞌi. Andoa ini dowaꞌa kanau suha so miendo Yahudi we kotano Damsyik. Padamo dua akala we naꞌa patudhuku ahumakofi mie mangkafino Yesus ne kota aitu maka aowada we Yerusalem damodee-deeda.

Tula-tulando rasulu 25:2

Ne itu neangkaꞌindo imamu bhe kamungkulaꞌindo Yahudi dokalamo dopoꞌawaane patudhundo dasumungkuꞌao Paulus.

Tula-tulando rasulu 23:33

Sahatondo we Kaisarea, tantaraꞌi sumawino ne adhaha maitu lasao doowa suha naꞌa bhe wutono Paulus se gubernur.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.