Tula-tulando rasulu 27:20 - Muna Southern Dialect

²⁰ Nomampona-mponamo miina taohaa oleo bhahaꞌi o kulipopo, o gahuha noansohaꞌi kainsami kansuhu. Panda-pandano nobhotumo posahunaꞌao mani, ingka paemo tasumalamatia.

Tula-tulando rasulu 27:20 Referans Kwoze

Matius 24:29

“Sapalusino kasabha anaꞌa oleo nahohondomo, wula paemo nakotilangaa, kulipopo dapondawuti damaiꞌao te lani bhe kosasawiꞌae waweno alamu naohungga.

1 Tesalonika 4:13

Bhahitieꞌi mani, gao mani mandeꞌaaneomu mpuu peda amai kolaundo mie marasaeano humunsano dhunia ini, keana nokompeaha lalomiu peda mie sigaoꞌano tapa koposahunaꞌaono ⸤ ne dadi buꞌou⸥ .

Efesus 2:12

Wakutuu anaꞌa miinaꞌo bhe taiꞌamiu ne Kristus, hintimiu mie we sembalino miendo Israel, miinaꞌo tilentuomu umati nepilino Lahataꞌala. Miinaꞌo dua mealaomu dawu weo podhandino Lahataꞌala toka nedhandiꞌaono ne umatino. Hintimiu dadiomu te dhunia miinaꞌo bhe neposahunaꞌaomiu, miina dua mandeꞌaoꞌomu Lahataꞌala.

2 Korintus 11:25

Tolu pakumo dowangkuli kanau miendo Roma, sepakumo dua dobhatumbuli kanau kontu, tolu pakumo akalobu ne kapala, padamo dua aelanto-lanto we wuntano ndalo sealo seꞌoleo.

Tula-tulando rasulu 27:19

Nopooli tolu oleo, katokano bhangka doꞌohofie wutondo sawino bhangka.

Tula-tulando rasulu 27:21

Nompona kaowu miina daomaa, noehemo Paulus ne wunta-wuntando maka nopugau ambano, “Bhahitieꞌiku, ane damangkafi katangahiku pae dahumelaomu damaiꞌao we witeno Kreta endefiꞌini, teteweimo pae daꞌumawaeꞌomua kakadee-dee bhe kahugi aini!