Tula-tulando rasulu 26:7 - Muna Southern Dialect

⁷ O dhandi anaꞌa nentaa-ntaandomo dua miendo Israel ompulu haa sampuꞌano, kakampuu-mpuuꞌandomo dosombai Lahataꞌala mentae mohondo. Kolaki Agripa nefosibhalaku, kasungkuꞌando miendo Yahudi ini ingka mbaꞌinomo aposahunaꞌao ne dhandi anaꞌa.

Tula-tulando rasulu 26:7 Referans Kwoze

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

1 Timotius 5:5

Bhihinanda dumadino weo kakae samoi-moisano, mpahinomo Lahataꞌala neposahunaꞌaonoa. Mentae mohondo nokampuu-mpuu nosambahea bhe nekatondala.

1 Tesalonika 3:10

Mentae mohondo tampuu-mpuunie sepaliꞌa taesalo ne Lahataꞌala, neanomo naembali toha dapoꞌawa-awaomu, tamokapoangkoomu nemokaeꞌaomiu weo kaparasaeamiu.

Filipi 3:11

Ane nada naꞌa, aposahunaꞌao nada amai maka Lahataꞌala tetewei namowanu kanau dua maiꞌao ne mate.

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Tula-tulando rasulu 26:2

“Kolaki Agripa nefosibhalaku, akodawua sepaliꞌa seꞌoleo itu dofolalesa kanau atumunduꞌao wutoku ne wisemu atumagali sabhaha kasangkati nesungkuꞌaondo miendo Yahudi ini.

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Lukas 2:25

We Yerusalem nandoo seemie koneaꞌano Simeon. Anoa ini mie banara lumebeno, nontaa-ntaa kasalamatiꞌando miendo Israel. Rohino Lahataꞌala nopobhaiane,

Tula-tulando rasulu 24:15

Pedamo dua andoa ini, o idi aposahunaꞌao ne Lahataꞌala putae kosasawindo mie mate sumuli dadumadi, namie metaa, namie modai!

Tula-tulando rasulu 26:3

Nekodawuaꞌaoku sepaliꞌa mbaꞌinomo pandeꞌaane mpuu adhatindo miendo Yahudi bhe kahengetano agamando. Dadiꞌanomo aesalo ne wisemu tasabahamo fetingke kanau kadeki aetula-tula.

Tula-tulando rasulu 28:20

Katisaliꞌiꞌamiumo apoindalo apoꞌawa bhe apuga-pugau bhe hintimiu, kapaꞌamo katihanteꞌaku ini hampano Omputo Fosalamatino nentaa-ntaando miendo Israel.”