Tula-tulando rasulu 26:23 - Muna Southern Dialect

²³ Bhihita anaꞌa peda ini: Mesias, Omputo Fosalamatino maitu, tetewei naenamisi kakadee-dee maka Anoamo so maꞌindulu manuno maiꞌao ne mate, pakade Anoamo dua so meowano tilanga fosalamatino, naetaa ne miendo Yahudi, naetaa ne bansano liwu sigaoꞌano.”

Tula-tulando rasulu 26:23 Referans Kwoze

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Kolose 1:18

Anoamo mefotuꞌaono mbadha, maꞌanano umati marasaeano. Anoamo kabhao-bhaono manuno maiꞌao ne mate, neanomo nofewawomo ne bhahi-bhahiꞌae ndumandoono.

Ibrani 2:10

Ingka nopantasimo so Lahataꞌala, Anoamo mokonandoono bhahi-bhahiꞌae somo dua Wutono, nohabu Yesus mbali melengkano kaangkaꞌano kasalamatiꞌa, nofosangkaane kakadee-dee. Pedamo anaꞌa noangka ne Yesus dobhahi manusia nebhasino Lahataꞌala daeala dawu weo kakalabhiano.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

Lukas 2:32

Anoamo ini tapedamo tilanga umulawino sabhaha bansano liwu, somo dua meowano kakalabhia ne umatimu Israel.”

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 26:8

Noafa fisikopahaaneomu putae Lahataꞌala nefowanu mie mate?

Tula-tulando rasulu 13:34

Lahataꞌala nofowanuemo maiꞌao ne mate maka paemo sumuli dakumobuhue. Nandoo bhoasaono Ompu peda aini, ‘Amaꞌangkoomu kosasawiꞌae kabarakati mongkilo tiparasaeano nedhandiꞌaoku ne Daud.’

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Yohanes 11:25

Ambano Yesus, “Idimo ini fofowanuno maiꞌao ne mate bhe meowano dadi. Sasuka marasaeano ne Idi nadumadi mahinggamo nomatemo.

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Matius 27:53

Hato kawanuꞌano Yesus nomaiꞌao ne mate, andoa ini dolimbamo dua maiꞌao weo kobuhundo maka dopesua we kota mongkilo. Ne itu dofotiwoha wutondo bhe dobhahi mie mohada.

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Tula-tulando rasulu 3:24

Kosasawindo anabii mosampeno bhoasaono Lahataꞌala, notanda ne anabii Samuel ampa ana-anabii mbuhumaino, dokowambaanemo wawo so kumadhadhiaꞌano dhamani aini.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.