Tula-tulando rasulu 26:20 - Muna Southern Dialect

²⁰ Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Tula-tulando rasulu 26:20 Referans Kwoze

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.

Matius 9:13

Dadiꞌanomo kalamoomu, maꞌanakiomu wambano Kitabi aini, ⸤ Ambano Lahataꞌala⸥ ‘Kapoindaloku dopomobhela-bhelaꞌao lalo, suano kapopanga’, kapaꞌamo kahatoꞌaku miina aeꞌondofi mie mongkilo, tamaka mie kodhosa.”

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

2 Korintus 7:10

Kapaꞌamo kakompeahano lalo poangkafiꞌano bhe kapoindalono Lahataꞌala neowa kafetompaino dhosa meowano kasalamati, maka paise dasumosoanea. Tamaka kakompeahano lalo maiꞌaono ne dhunia ini neowa mate.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

2 Korintus 3:16

Tamaka ane seemie manusia nodoli ne Ompu, maka kantutu anaꞌa doaliemo.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Tula-tulando rasulu 26:17

Amosalamatiko maiꞌao ne saliwumu miendo Yahudi bhe ne mie suano Yahudi. Hintu atumuduko kumala ne mie suano Yahudi naꞌa,

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 15:19

Dadiꞌanomo fekihiku idi mie suano Yahudi dumolino ne Lahataꞌala pae naembalia daehabuandaomu kasabha.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 9:35

Kosasawindo miendo Lida bhe kadieno Saron dowoha Eneas, maka dodolimo bhe doparasaea ne Ompu.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Lukas 13:5

Amohatokoomu, miina sepaliꞌa. Ampamo kaowu, ane paise metompaꞌao dhosamiu, kosasawimiu itu binasaomu dua nada andoa naꞌa.”

Lukas 13:3

Amohatokoomu, miina sepaliꞌa. Ampamo kaowu, ane pae metompaꞌao dhosamiu, kosasawimiu itu binasaomu dua nada andoa naꞌa.

Lukas 1:16

Naobhahi miendo Israel namodolida dasumuli ne Ompu Lahataꞌalando.

Markus 6:12

Pada anaꞌa koompulu hoduando anaguhuno maitu doehemo. Dokalamo defolele bhihita putae manusia tabeano dametompaꞌao dhosando bhe dadumoli ne Lahataꞌala.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Powoha 16:11

Andoa dobhatataꞌiao Lahataꞌala te surugaa, hampano kaleano bhe kawisundo, tamaka miina dametompaꞌao podiu modaindo.

Powoha 2:21

Idi padamo awaꞌane kasalawa so nametompaꞌao podiu modaino, tamaka nokiido nametompaꞌao podiu pokawite-witeno maitu.

Tula-tulando rasulu 26:19

Dadiꞌanomo, kolaki Agripa, pae bhe kapoolia pae amangkafi powohaku maiꞌaono te surugaa maitu.