Tula-tulando rasulu 25:6 - Muna Southern Dialect

⁶ Festus neate-ate we Yerusalem alu oleo ampa ompuluꞌa maka nosuli we Kaisarea. Hato nomentae, nefokonandoomo hompuꞌa dabhitahaki Paulus. Paulus nofotuduꞌaanemo.

Tula-tulando rasulu 25:6 Referans Kwoze

Tula-tulando rasulu 25:17

Dadiꞌanomo andoa ini doangkafi kanaumo we ini. Hato nomentae lasao aefokonandoo hompuꞌa tabhitahakie maka mie anaꞌa afotuduꞌaane.

Tula-tulando rasulu 25:10

Notobhoosimo Paulus ambano, “Idi aeehe-ehemo ne wiseno kaebhotusiꞌano Omputo Kaisar, dadiꞌanomo tabeano ne iniꞌaemo so katibhotusiꞌano parakaraku ini. O hintu pandeꞌaane sepaliꞌa, bhe naseendai miina akokaꞌala ne miendo Yahudi.

Matius 27:19

Tangasano Pilatus nengkoha-ngkoha ne kaengkohaꞌa kaebhotusiꞌa parakara, nohatomo kaowili maiꞌaono ne mieno lambuno, ambano, “Fosipuli wutomu ne parakarano mie pata kokaꞌalano maitu, kapaꞌamo mohondo weo nifiku akadee-deeanemo.”

Yakobus 2:6

Tamaka hintimiu mefekaꞌaebumoomu mie mokae, gahaꞌaitumo ingka mie hangkaea modee-deekoomu, bulukomoomu dua ne wisendo pande bhitaha.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Yohanes 19:13

Nofetingke pugau anaꞌa, Pilatus nowowoꞌomo toha Yesus we simbali maka nengkoha ne kaengkohaꞌa kaebhotusiꞌa. Kaengkohaꞌa naꞌa nekonando Ale Kontu, weo wamba Ibrani dokonae Gabata.

Tula-tulando rasulu 8:40

Gahaꞌa nofengkanaꞌao lalono Filipus nohatomo we Asdod. Anoa nokala kansuhu poowa nefolele Bhihita Metaa ne sabhaha liwu ampa nohato we kotano Kaisarea.

Tula-tulando rasulu 25:1

Nopooli tolu oleo nohato ne kadie neowano naꞌa, gubernur Festus nohunsamo kotano Kaisarea nokala we Yerusalem.

Tula-tulando rasulu 25:4

Tamaka Festus notobhoosi ambano, “Paulus sadaa-daa dotaangie we kotano Kaisarea, pakade idi apikisuli dua we watu.

Tula-tulando rasulu 25:5

Dadiꞌanomo neangkando kamu-kamungkulaꞌi ne olotamiu itu tapoowa-owa takumala we Kaisarea maka mobhieꞌaneomu ane bhe kaꞌalanoa.”