Tula-tulando rasulu 25:25 - Muna Southern Dialect

²⁵ Tamaka ingka miina aeꞌawa kaꞌala so namantasiꞌao damongkoe. Mbaꞌinomo nesalo naꞌumende ne Omputo Kaisar, abhotusiemo amakatue we Kaisar.

Tula-tulando rasulu 25:25 Referans Kwoze

Tula-tulando rasulu 23:29

Hato apandeꞌaane gahaꞌa dohakoe mbaꞌinomo doposala-salamaꞌanaꞌao tubhono agamando, tamaka miina bhe mantasiꞌanoa so natipongkoꞌao tawa natitohongkuꞌaoa.

Tula-tulando rasulu 23:9

Hompuꞌa anaꞌa sadhulu-dhulu kahobho. Pande-pande Kitabi maiꞌaono ne miendo Farisi doehemo maka dopotagali ambado, “Mie anoa ini miina sepaliꞌa nakokaꞌalaa! Kao-kaomo nandoo bhe rohi tawa malaꞌekati mugauno ne anoa.”

Lukas 23:4

Nopugaumo Pilatus ne meangkaꞌindo imamu bhe ne mie bhahi ambano, “Miina sepaliꞌa aepoꞌawaꞌao kaꞌalano mie aini.”

Tula-tulando rasulu 26:31

Dolimba kaowu detula-tulamo sapada-pada andoa ambado, “Mie aini ingka miina nakokaꞌa-kaꞌalaa so namantasiꞌao damongkoe tawa datumohongkue.”

Lukas 23:14

maka nopugau ne andoa ambano, “Mie aini owaeꞌomu ne wiseku, ambamiu nefekakolilino raꞌeati. Ingka padamo apahakesaaꞌe ne wisemiu, tamaka miina sepaliꞌa apoꞌawaꞌao kaꞌalano mie aini peda nesangkatimiu itu.

Tula-tulando rasulu 25:26

Ampamo kaowu miinaꞌo bhe tingku motangka so abuhi weo suhaku so Kaisar. Katiowaꞌanomo ne wisentoomu ini, patudhuku mpuu ne wiseno kolaki Agripa, neanomo mada damotindae nandumandoomo tingku so nebuhiku.

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 28:18

Pada dofee-feena kanau, patudhundo damolapa kanaumo, hampano miina sepaliꞌa bhe kaꞌalakua mantasiꞌano so katipongkoꞌaku.