Tula-tulando rasulu 25:10 - Muna Southern Dialect

¹⁰ Notobhoosimo Paulus ambano, “Idi aeehe-ehemo ne wiseno kaebhotusiꞌano Omputo Kaisar, dadiꞌanomo tabeano ne iniꞌaemo so katibhotusiꞌano parakaraku ini. O hintu pandeꞌaane sepaliꞌa, bhe naseendai miina akokaꞌala ne miendo Yahudi.

Tula-tulando rasulu 25:10 Referans Kwoze

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

Tula-tulando rasulu 28:18

Pada dofee-feena kanau, patudhundo damolapa kanaumo, hampano miina sepaliꞌa bhe kaꞌalakua mantasiꞌano so katipongkoꞌaku.

Tula-tulando rasulu 26:31

Dolimba kaowu detula-tulamo sapada-pada andoa ambado, “Mie aini ingka miina nakokaꞌa-kaꞌalaa so namantasiꞌao damongkoe tawa datumohongkue.”

Tula-tulando rasulu 25:25

Tamaka ingka miina aeꞌawa kaꞌala so namantasiꞌao damongkoe. Mbaꞌinomo nesalo naꞌumende ne Omputo Kaisar, abhotusiemo amakatue we Kaisar.

Matius 27:18

Pilatus nopandeꞌaane putae kamungkulaꞌindo Yahudi doowa Yesus ne wiseno, mbaꞌinomo kakonduano lalondo.

Tula-tulando rasulu 25:17

Dadiꞌanomo andoa ini doangkafi kanaumo we ini. Hato nomentae lasao aefokonandoo hompuꞌa tabhitahakie maka mie anaꞌa afotuduꞌaane.

Tula-tulando rasulu 25:6

Festus neate-ate we Yerusalem alu oleo ampa ompuluꞌa maka nosuli we Kaisarea. Hato nomentae, nefokonandoomo hompuꞌa dabhitahaki Paulus. Paulus nofotuduꞌaanemo.

Tula-tulando rasulu 23:29

Hato apandeꞌaane gahaꞌa dohakoe mbaꞌinomo doposala-salamaꞌanaꞌao tubhono agamando, tamaka miina bhe mantasiꞌanoa so natipongkoꞌao tawa natitohongkuꞌaoa.

Matius 27:19

Tangasano Pilatus nengkoha-ngkoha ne kaengkohaꞌa kaebhotusiꞌa parakara, nohatomo kaowili maiꞌaono ne mieno lambuno, ambano, “Fosipuli wutomu ne parakarano mie pata kokaꞌalano maitu, kapaꞌamo mohondo weo nifiku akadee-deeanemo.”