Tula-tulando rasulu 24:25 - Muna Southern Dialect

²⁵ Tamaka hato Paulus nopugauꞌao dadi banara, damewanaki totono lalo bhe kabhotusi nahumato Oleono Kiama, gubernur Feliks noteꞌimo. Nopugaumo ambano, “Netaamo, kalamo kadeki. Ane bhe kasalawa metaa madaꞌo toha asumaliꞌiko.”

Tula-tulando rasulu 24:25 Referans Kwoze

Yohanes 16:8

Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.

2 Petrus 1:6

O kapande napotubhahi bhe kafewanakino totono lalo; kafewanakino totono lalo napotubhahi bhe kakosabaha dopotaami weo kasabha; kakosabaha dopotaami weo kasabha napotubhahi bhe dadi lumebe.

Galatia 5:23

dofekapanda wutondo bhe dopoolie dofewanaki totono lalondo. Miina bhe tubhono agama meꞌeleꞌaono podiu medano maitu.

Tula-tulando rasulu 10:42

Yesus notudu kainsami tamolele Bhihita Metaa aini ne sabhaha liwu bhe tafofohatoꞌao putae Anoamo nepilino Lahataꞌala so bhitahakino mie dumadino bhe mateno.

1 Yohanes 3:7

Anaꞌiku! Koise kaangka-angkaomu ne mie so mekakolilinono totono lalomiu. Mie dhumalangino kapoindalono Lahataꞌala, anoamo itu mie banara, pedamo wutono Kristus nobanara.

Yakobus 2:19

Ingka parasaeaꞌomu Lahataꞌala Kaseemie-mieꞌano. Nokesa itua. Tamaka rohi modaino doparasaea dua anaꞌa sampe noguguda kateꞌindo.

Ibrani 9:27

Padamo dofotantue, manusia tetewei damate sepaku kaowu, pada aitu daewiseki kabhotusi.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

2 Korintus 6:2

Kapaꞌamo Lahataꞌala nokobhoasao ⸤ weo Kitabi⸥ , “Ne wakutuu nepoindaloku afetingkekomo, ne oleono kafosalamatiꞌa atulumikomo.” Tandaiꞌeomu, ainimo wakutuu nepoindalono Lahataꞌala, ainimo oleo kafosalamatiꞌa naꞌa.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Tula-tulando rasulu 24:15

Pedamo dua andoa ini, o idi aposahunaꞌao ne Lahataꞌala putae kosasawindo mie mate sumuli dadumadi, namie metaa, namie modai!

Tula-tulando rasulu 17:32

Dofetingke kawanuꞌando mie mate, nandoo tadebheu bhe dofuta-futaaꞌie. Tamaka nandoo dua mugauno ambado, “Gao mani tametingke toha tana sepaku metula-tulaꞌao medano aitu.”

Tula-tulando rasulu 17:2

Peda kaneano Paulus nopesuamo weo lambu kasambaheaꞌa naꞌa. Nopotulu-tulu tolu oleono Sabat, Paulus nopololi fekihi bhe andoa, dopuga-pugauꞌao aeatino Kitabi.

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Ibrani 6:2

Pedamo dua itu kafoinaꞌuno kakadiu sarani, kafoinaꞌu detei limando te wawondo mie bhaindo ⸤ desaloanda kabarakati⸥ , kawanuꞌando mie mate bhe kahukumu suhue dhamani.

Ibrani 12:21

Newohando miendo Israel maitu nobhibhiisa bhe notimoteꞌi sepaliꞌa sampe anabii Musa nopugau ambano, “Nogugu kanau kaꞌosano kateꞌiku!”

Roma 14:12

Pedamo anaꞌa intaodiomu seemie-seemie dapowiseꞌao wutonto sabhaha nehabunto ne Lahataꞌala.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

Tula-tulando rasulu 26:28

Nopugaumo Agripa ambano, “Kunaꞌemu sebantaha gahaꞌa mosarani kanau?”

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 9:6

Aitu wanuꞌo toha, pesuamo weo kota, ne itu damohatoangkomo so nehabumu.”

Matius 22:5

Tamaka mie nebhasi naꞌa miina daoheruanda, tadokala. Nandoo kumalano te kaampono, nandoo kumalano gumiuno.

Tula-tulando rasulu 24:26

Gaonoa Paulus namaꞌane dhoi, dadiꞌanomo nentuhu nosaliꞌie dapotula-tula.

Titus 1:8

Neangkando umati tabeano nohelasi nefotiampe mie weo lambuno, nopoindaloe habu metaa, nopooli nofewanaki totono lalono, nokotimbangi, noꞌadhili bhe nongkilo totono lalono.