Tula-tulando rasulu 24:14 - Muna Southern Dialect

¹⁴ Daanumo paise agumagaiꞌea ne wisemu, idi ini aparasaea ne Lahataꞌalando awua mani aangkafi kaangkaꞌano Yesus, tamaka ambado andoa ini kafoinaꞌu umala. Tamaka daa-daaꞌe dua aparasaea ne kosasawiꞌae kafoguhu tibuhiꞌano weo Kitabino Musa bhe Kitabindo ana-anabii.

Tula-tulando rasulu 24:14 Referans Kwoze

Tula-tulando rasulu 9:2

nesalo suha kuasa. Suha anaꞌa namowae ne kamungkulaꞌi mandeꞌaono lambu kasambaheaꞌando miendo Yahudi we kotano Damsyik. Patudhuno ane napoꞌawaꞌao mie mangkafino Kaangkaꞌano Ompu Yesus namoꞌane nahobhine, naembali nahumakofida maka namosulida we Yerusalem.

Roma 3:21

Tamaka ampa aitu Lahataꞌala padamo nofosusuꞌao kaangkaꞌa so datitahimaꞌao peda mie banara, o kaangkaꞌa tapa pokaiꞌano bhe tubhono agama Yahudi. Gahaꞌaitu kaangkaꞌa anaꞌa daanumo dosambilie dua weo Kitabino anabii Musa bhe Kitabindo anabii sigaoꞌano.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Tula-tulando rasulu 26:22

Tamaka notulumi kanau Lahataꞌala sampe nandoo adadi ampa seꞌoleo itu, neanomo naembali asumakusiiꞌao kosasawiꞌae ini, naetaa ne mie ndidiki, naetaa ne mie bhalano. Bhihita nefoleleku ini sakotuꞌuno nopototomo bhe nekosuahaꞌaono anabii Musa bhe ana-anabii sigaoꞌano.

Tula-tulando rasulu 24:5

Nentaleamo sepaliꞌa ne insaodi, mie aini tapedamo hopu. Ne amai onuno liwu te dhunia ini, nehabu kahunggando miendo Yahudi. Anoa ini seemie neangkando miendo sarani, kaseꞌise umalano.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

Tula-tulando rasulu 26:27

Kolaki Agripa, parasaea bhahaa ne ana-anabii? Apandeꞌaane parasaeada.”

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Titus 3:10

Mie meowano powengke-wengkeꞌa weo umati ⸤ dhohono kafoinaꞌu sumempa⸥ , tangahie sepaku ampa haa paku. Ane pae nametingkeko, koemo moheruanea.

Galatia 5:20

desombai barahala, o wuhake, dopowengke-wengke, dopogiha-giha, nokondua lalondo, domansoꞌamaha, doꞌondofao kaowu kafaraluuno wuto, dopokante-kantee lalo, dopowala-wala,

1 Korintus 11:19

Ingka nokesa itua nandoo powengke-wengkeꞌa ne olotamiu itu! Ane paise, nada amai natipandeꞌao laꞌae kumampuu-mpuuno weo kaparasaeano?

Tula-tulando rasulu 26:6

Aini dobhitahaki kanaumo mbaꞌinomo afintahaki dhandino Lahataꞌala ne awuaꞌintoomu.

Tula-tulando rasulu 24:22

Tamaka gubernur Feliks mengkanaꞌaono sepaliꞌa kaangkaꞌano Ompu Yesus, nofotiehemo pobhita-bhitahakindo maitu. Ambano, “Nahumato kaowu panglima Lisias ne ini, abhotusiemo nesungkuꞌaomiu itu.”

Tula-tulando rasulu 22:14

Ambano, ‘Lahataꞌalando awuaꞌintoomu nopilikomo mandeꞌao patudhuno, pakade moha Mie Melaano Lalo ⸤ wutono Yesus⸥ bhe metingke suaha maiꞌaono ne wiwino.

Tula-tulando rasulu 19:9

Tamaka nandoo dua seemie hodua katuꞌa fotu. Andoa ini dongahe damarasaea, bhahaa tadofekandidiki kaangkaꞌano Ompu maitu ne wisendo mie bhahi. Kanandooꞌanomo Paulus nohunsadamo. O mie mangkafino Yesus nogaatida maka seꞌo-seꞌoleo nofoinaꞌuda weo boloku kapoguhuꞌano Tiranus.

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 7:32

‘Idimo ini Ompu Lahataꞌalando awuaꞌimu, Lahataꞌalano Abraham, Lahataꞌalano Ishak bhe Lahataꞌalano Yakub.’ Musa nohengkuꞌao kateꞌi sampe miinamo naokadoa naꞌumondoea.

Tula-tulando rasulu 5:30

Yesus maitu pongkoeꞌomu, kantaiꞌeomu te sau salipu, tamaka Ompu Lahataꞌalando awuantoomu nofowanue nomaiꞌao ne mate.

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 16:29

Tamaka ambano Abraham, ‘Ingka nandoo Kitabino Musa bhe Kitabindo anabii ne andoa, hunsaꞌanomo dametingke kafoinaꞌu anaꞌa.’

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Lukas 1:70

Aini nopobutu bhe bhoasaono endefiꞌini, nefosampendo ana-anabii mongkilono.

Matius 22:40

Kosasawiꞌae pahinta weo Kitabino Musa bhe Kitabindo ana-anabii nengkohamo ne pahinta haa hondano ini.”

Matius 10:32

Laꞌae mangakuno ne wisendo manusia putae anoa noangkafi Idi, aꞌumakuiꞌe dua te wiseno Amaku te surugaa.

Matius 7:12

“Bhahi-bhahiꞌae kapoindalomu so nehabundo mie bhaimu ne hintu, habue dua ne mie bhaimu. Ingka kosasawiꞌae kafoinaꞌuno Kitabino Musa bhe Kitabindo ana-anabii noꞌonumo ne ini.

Tula-tulando rasulu 19:23

Kiha-kiha wakutuumo anaꞌa nonandoo kahungga bhalano mbaꞌinomo kaangkaꞌano Ompu.

Tula-tulando rasulu 15:5

Tamaka domai dua seemie hodua kamungkula miendo Farisi marasaeano ne Yesus. Ambado, “O mie suano Yahudi toka marasaeano ne Yesus tetewei dasumunada, damosuhuda damangkafi dua tubhono agama Yahudi.”

Tula-tulando rasulu 25:8

Tamaka Paulus nopotunduꞌaomo wutono ambano, “Idi bhe naseendai miina akokaꞌalaa, mahingga ne tubhono agama Yahudi, mahingga ne Lambuno Lahataꞌala tawa ne Omputo Kaisar, miina dua.”

Tula-tulando rasulu 26:4

Kosasawindo miendo Yahudi dopandeꞌaane dadiku mpini nandoo kaanaꞌiku, kapaꞌamo mpini kabhao-bhaono aeate-ate bhe saliwuku we Yerusalem.

Tula-tulando rasulu 28:22

Ampamo kaowu tapoindalo tametingke ne wutomu peda ae fekihimu itu, kapaꞌamo tapandeꞌaane kafoguhu aini dobansie ne amai onuno liwu.”

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.