Tula-tulando rasulu 23:17 - Muna Southern Dialect

¹⁷ Paulus lasao neloꞌoi seemie tantara maka nofohatoe ambano, “Owa anaꞌi moꞌane aini se neangkamiu, nandoo bhe so nepugauꞌaono.”

Tula-tulando rasulu 23:17 Referans Kwoze

Tula-tulando rasulu 23:23

Pada aitu panglima neloꞌoimo dohodua tantarano maka nofohatoda ambano, “Mefontaa-ntaa kaitaomu dahaa moꞌono tantara so kumalano we Kaisarea, pakade dafitu fulu tantara sumawino ne adhaha bhe dahaa moꞌono tantara meintahano pandanga. Nahambi-hambi siua mata sealo itu dakumalamo.

Tula-tulando rasulu 22:26

Nofetingke peda amaitu tantara anaꞌa nekapunamo ne panglima ambano, “O ae gahaꞌa so nehabumu inia? Ingka mie amaitu warga negarano Roma.”

Matius 10:16

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Yohanes 18:12

Pada anaꞌa taguando tantara bhe neangkando dopoowa bhe dhagaꞌi katuduno miendo Yahudi dohakomo Yesus maka dokatapue.

Tula-tulando rasulu 23:16

Gahaꞌa fokoanaꞌaono Paulus, anano finihobhineno nofetingkee kakanagaundo naꞌa. Anoa lasao nokala te benteno tantara maka nopesua nofohato Paulus.

Tula-tulando rasulu 23:18

Tantara naꞌa noowamo anaꞌi moꞌane aitu se neangkando, maka nopugau ambano, “Paulus, mie netaangi naꞌa nesaloi kanau amowa anaꞌi moꞌane aini ne hintu, nandoo bhe so nepugauꞌaono.”