Tula-tulando rasulu 22:25 - Muna Southern Dialect

²⁵ Tamaka hato dokatapue maka dahumambisiane habuta, Paulus nopugaumo ne tantara meehe-eheno ne itu, “Gahaꞌa nembali mepepekiomu warga negarano Roma? Pakade miinaꞌo dabhitahakiea.”

Tula-tulando rasulu 22:25 Referans Kwoze

Tula-tulando rasulu 16:37

Tamaka Paulus tanopugau ne dhagaꞌino kota maitu ambano, “Insaodi ini warga negarano Roma! Miinaꞌo dabhitahaki kainsamia, tadopaꞌindulumo dopepeki kainsami ne wisendo mie bhahi, pakade dotohongku kainsami. Aitu gahaꞌa tadamolimba kainsamimo dua patudhundo pae daefemata-mataa. Pae naembali nada inia! Tabeano damai damolimba kainsami wutondo!”

Tula-tulando rasulu 25:16

Taꞌatobhoosida, ingka suano kaneandoa miendo Roma tadaebhotusimo seemie nebhieꞌao kabeanga kawaꞌao ne mie sumungkuane. O mie nebhieꞌao tabeano dopowiseanda bhe mie mobhieꞌaane, pakade dowaꞌane kasalawa natumunduꞌao wutono.

Tula-tulando rasulu 27:43

Tamaka neangkando tantara gaono namosalamati Paulus. Dadiꞌanomo noꞌeleꞌaandamo. Notudumo mandeno lumenino damaꞌindulumo damunda we teꞌi maka damoni te wite.

Tula-tulando rasulu 23:17

Paulus lasao neloꞌoi seemie tantara maka nofohatoe ambano, “Owa anaꞌi moꞌane aini se neangkamiu, nandoo bhe so nepugauꞌaono.”

Tula-tulando rasulu 27:3

Nomentae taangkamo we kotano Sidon. Yulius nomalu sepaliꞌa lalono ne Paulus, sampe noꞌundaꞌaane nakumala namangkai sabhangkaꞌino neanomo naembali damaꞌane nefaraluuno.

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 10:1

We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 8:8

Tamaka ambano neangkando tantara maitu, “Waompu, miina amantasia mesuaki lambuku; tapugaumo nasewobha wamba, maka bhatuaku maitu teteweimo naoꞌosa.

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

Tula-tulando rasulu 22:26

Nofetingke peda amaitu tantara anaꞌa nekapunamo ne panglima ambano, “O ae gahaꞌa so nehabumu inia? Ingka mie amaitu warga negarano Roma.”

Tula-tulando rasulu 23:27

Mie aini dohakoe miendo Yahudi, nomaꞌomo damongkoe, posinaꞌanomo apikihato bhe tantaraꞌiku lasao afosalamatie, hampano afetingke anoa ini warga negarano Roma.