Tula-tulando rasulu 21:40 - Muna Southern Dialect

⁴⁰ Noꞌundaꞌaane kaowu panglima maitu, Paulus neehe-ehemo te fotuno pulangku maka noale raꞌeati keana dohobho. Miina kaowu dakodiu, Paulus nopugaumo ne andoa nepake wamba Ibrani.

Tula-tulando rasulu 21:40 Referans Kwoze

Tula-tulando rasulu 12:17

Tamaka Petrus noaleda keana dohobho, pada aitu netula-tulaandamo notondae Ompu nomaiꞌao weo katohongku. Ambano dua Petrus, “Kala metula-tulaꞌaoꞌomu kadhadhia aini ne Yakobus bhe bhahitientoomu sigaoꞌano.” Pada anaꞌa nolimbamo maka nokala we liwu sigaoꞌano.

Tula-tulando rasulu 26:14

Kosasawi mani tatihambitao we wite maka afetingke suaha nopugau ne idi weo wamba Ibrani ambano, ‘Saulus, Saulus, noafa fodee-dee kanau? Ingka so kaowu modee-deeꞌao wutomu, kabeanga seꞌulu sapi nekantada katuko mohokoꞌano.’

Tula-tulando rasulu 22:2

Dofetingkee gahaꞌa nepake wamba Ibrani, mie bhahi maitu sedhuluꞌa dua miinamo dakodiua. Ambano toha Paulus,

Yohanes 5:2

We Yerusalem ne owano fointo bhalano koneaꞌano Kagualino Dhumba nandoo oe kaekadiuꞌa, weo wamba Ibrani dokonae Betesda. Oe aini doselie maka dowaliligiane tambi kafeoluꞌa lima onu.

Tula-tulando rasulu 21:35

Dohato we pulangkuno bente, mie bhahi tadopodhumpu-dhumpuhaomo sampe Paulus dosodaemo tantaraꞌi maitu.

Tula-tulando rasulu 19:33

Nandoo seemie koneaꞌano Aleksander dodhudhulaane miendo Yahudi te wise, kunaꞌendomo anoamo mehabuno kahungga. Lasao noaleda keana dohobho patudhuno natumunduꞌao wutono te wisendo mie bhahi maitu.

Powoha 16:16

Sabhaha omputo anaꞌa dofohompuda ne seꞌonu liwu, weo wamba Ibrani dokonae Harmagedon.

Powoha 9:11

Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .

Tula-tulando rasulu 13:16

Pada aitu Paulus noehemo poowa noaleda keana dohobho maka nopugau, “Bhahitieꞌiku miendo Israel bhe bhahitieꞌiku sigaoꞌano moteꞌino ne Lahataꞌala, fetingke kanauꞌomu!

Tula-tulando rasulu 6:1

Wakutuu anaꞌa mie mangkafino Yesus sadhulu-dhulu kabhahi. Miendo Yahudi mepakeno wamba Yunani, dopahamuntuꞌao miendo Yahudi mepakeno wamba Ibrani, mbaꞌinomo bhihinandado miina natiꞌondofao metaaꞌa. Andoa ini miina daeꞌawa kafaraluu nedawu-dawundo seꞌo-seꞌoleo.

Yohanes 19:20

Dobhahi miendo Yahudi basano kabuhi anaꞌa, mbaꞌinomo kabhawo katikantaiꞌano Yesus te sau salipu nokomaꞌo bhe kota, pakade kabuhi anaꞌa dobuhiane wamba Ibrani, wamba Latin bhe wamba Yunani.

Yohanes 19:17

Poowa notongku sau salipuno, Yesus nolimbamo we simbalino kota nohope te kabhawo nekonando Kaꞌuada. Weo wamba Ibrani dokonae Golgota.

Yohanes 19:13

Nofetingke pugau anaꞌa, Pilatus nowowoꞌomo toha Yesus we simbali maka nengkoha ne kaengkohaꞌa kaebhotusiꞌa. Kaengkohaꞌa naꞌa nekonando Ale Kontu, weo wamba Ibrani dokonae Gabata.

Lukas 23:38

Te wawo, ne potalaꞌano fotuno, notibuhi “ Anoamo ini Omputo miendo Yahudi.”

Tula-tulando rasulu 1:19

Kadhadhia amaitu dopandeꞌaane kosasawindo mie we Yerusalem, sampe wite anaꞌa dokonae ‘Hakeldama’ weo wambado, maꞌanano ‘Witeno hea’.)