Tula-tulando rasulu 21:39 - Muna Southern Dialect

³⁹ Ambano Paulus, “Idi ini miendo Yahudi amaiꞌao we Tarsus, seꞌonu kota tiende-endeno we kadieno Kilikia. Aesalo ane naembali daꞌumunda kanau amugau ne mie bhahi maitu.”

Tula-tulando rasulu 21:39 Referans Kwoze

Tula-tulando rasulu 22:3

“O idi ini miendo Yahudi, alente we kotano Tarsus we kadieno Kilikia, tamaka aobhala ne Yerusalem ini. Nofoguhu kanau Gamaliel nompuu-mpuunie sepaliꞌa, apoguhuꞌao tubhono agama nefosampu ne awuaꞌintoomu. Kanandooꞌanomo nokamai-mai sepaliꞌa laloku akahadhaa so Lahataꞌala, peda dua hintimiu itu ampa aini.

Tula-tulando rasulu 9:11

Nokowambamo dua Ompu, “Kalamo we kaangkaꞌa koneaꞌano Sala Melaa. Ondofi we lambuno Yudas seemie maiꞌaono we Tarsus, neano Saulus. Ampa aitu tangasano nosambahea.

Tula-tulando rasulu 6:9

Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.

Tula-tulando rasulu 23:34

Pada nobasa suha maitu, gubernur nofeenamo Paulus bhahaꞌi nomaiꞌao ne kadieno ae. Hato nofetingke Paulus nomaiꞌao we kadieno Kilikia,

Tula-tulando rasulu 23:27

Mie aini dohakoe miendo Yahudi, nomaꞌomo damongkoe, posinaꞌanomo apikihato bhe tantaraꞌiku lasao afosalamatie, hampano afetingke anoa ini warga negarano Roma.

Tula-tulando rasulu 21:37

Damesua kaowu weo bente, Paulus nopugaumo ne panglima maitu ambano, “Naembali bhahaa amugau ne hintu?” Ambano panglima naꞌa, “Pande gahaꞌa wamba Yunani?

Tula-tulando rasulu 16:37

Tamaka Paulus tanopugau ne dhagaꞌino kota maitu ambano, “Insaodi ini warga negarano Roma! Miinaꞌo dabhitahaki kainsamia, tadopaꞌindulumo dopepeki kainsami ne wisendo mie bhahi, pakade dotohongku kainsami. Aitu gahaꞌa tadamolimba kainsamimo dua patudhundo pae daefemata-mataa. Pae naembali nada inia! Tabeano damai damolimba kainsami wutondo!”

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.