Tula-tulando rasulu 21:34 - Muna Southern Dialect

³⁴ Tamaka mie bhahi maitu tanofegiu katobhoosindoa. Mbaꞌinomo tadohobhomo, anoa miina namandeꞌaanea bhahaꞌi o ae sakotuꞌuꞌanoa kumadhadhiaꞌano maitu. Dadiꞌanomo nopahintangimo tantarano dawowoꞌo Paulus te benteno tantara.

Tula-tulando rasulu 21:34 Referans Kwoze

Tula-tulando rasulu 23:10

Nodhulu kaꞌosa kapowengkendo sampe panglima noteꞌimo bhahasaa dogogawi Paulus. Dadiꞌanomo netudumo tantara dasumampu daꞌumuleiꞌe maka dasumuliane te bente.

Tula-tulando rasulu 19:32

O mie tihompuno weo stadion netaa mpuu dopokakei-keia. Nandoo kumeino peda aini, nandoo kumeino peda aitu, tadopokakei-keimo, kapaꞌamo dobhahi pata mandeꞌaane noafa kahompuꞌando ne itu.

Tula-tulando rasulu 23:16

Gahaꞌa fokoanaꞌaono Paulus, anano finihobhineno nofetingkee kakanagaundo naꞌa. Anoa lasao nokala te benteno tantara maka nopesua nofohato Paulus.

Tula-tulando rasulu 22:24

Nowoha peda maitu o panglima nofondawumo pahintano damopesua Paulus weo bente maka damee-meenae bhe dahumambisiane habuta. Patudhuno so dopandeꞌaaneꞌao noafa Paulus dokei-keisie mie bhahi peda maitu.

Tula-tulando rasulu 21:37

Damesua kaowu weo bente, Paulus nopugaumo ne panglima maitu ambano, “Naembali bhahaa amugau ne hintu?” Ambano panglima naꞌa, “Pande gahaꞌa wamba Yunani?

Tula-tulando rasulu 22:30

Mahinggamo peda maitu, panglima naꞌa gaonoa namandeꞌaane mpuu o ae kaꞌalano Paulus nesungkuꞌaondo miendo Yahudi. Dadiꞌanomo hato nomentae notududamo damolimba Paulus maiꞌao we katitaangiꞌano maka nopahintangi neangkaꞌindo imamu bhe kosasawindo Sahano Agama dahumompu. Paulus noowaemo te wisendo andoa maitu.

Tula-tulando rasulu 25:26

Ampamo kaowu miinaꞌo bhe tingku motangka so abuhi weo suhaku so Kaisar. Katiowaꞌanomo ne wisentoomu ini, patudhuku mpuu ne wiseno kolaki Agripa, neanomo mada damotindae nandumandoomo tingku so nebuhiku.

Tula-tulando rasulu 23:32

Nomentae Paulus dopansuhuanemo, dosabhangkae kaowu tantaraꞌi sumawino ne adhaha, tantara sigaoꞌano dosulimo we bente.