Tula-tulando rasulu 21:30 - Muna Southern Dialect

³⁰ Mieno kota tadohialelemo, raꞌeati tadosipumpumo. Pada dohakoe, Paulus dobulue we simbali maka lasao dosongko kosasawiꞌae fointono Lambuno Lahataꞌala.

Tula-tulando rasulu 21:30 Referans Kwoze

Tula-tulando rasulu 26:21

Nokotingkumo ne naꞌa miendo Yahudi dohako kanau weo Lambuno Lahataꞌala maka dofesoba damongko kanau.

2 Korintus 11:26

Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Lukas 4:29

Andoa dosiehe-eheꞌamo dogihasi Yesus we sembalino kota maka dowowoꞌoe se wiwino pimpi, kaengkohaꞌano kotando, patudhundo daꞌumohoe we panda.

Matius 21:10

Sanopesua weo kotano Yerusalem, mieno kota tadohialelemo ambado, “Laꞌae bhahaa mie aini?”

Matius 2:3

Nofetingke peda naꞌa kolaki Herodes nokohedu sepaliꞌa, miendo Yerusalem dopuli dua dokohedu.