Tula-tulando rasulu 21:27 - Muna Southern Dialect

²⁷ Tempo fitu oleo nomaꞌomo namalusi. Gahaꞌa seemie hodua miendo Yahudi maiꞌaono we kadieno Asia dowoha Paulus weo Lambuno Lahataꞌala, lasao dowudhu mie bhahi sampe dohakoe,

Tula-tulando rasulu 21:27 Referans Kwoze

Tula-tulando rasulu 26:21

Nokotingkumo ne naꞌa miendo Yahudi dohako kanau weo Lambuno Lahataꞌala maka dofesoba damongko kanau.

Tula-tulando rasulu 24:18

Tangasano ahabu kosasawiꞌae maitu weo Lambuno Lahataꞌala, dohatofi kanaumo miendo Yahudi maiꞌaono we Asia. Idi kaneꞌo pada afekanggela wutoku, miina bhe mie bhahi pobhai kanau, pakade miina bhe kahobhoa.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 14:5

Pada aitu o mie suano Yahudi bhe miendo Yahudi doseꞌisemo bhe neangkaꞌindo. Andoa dosikoo-koomo damodee-dee rasulu hoduano maitu bhe dabhatumbulianda kontu ampa damate.

Tula-tulando rasulu 14:2

Tamaka miendo Yahudi mongaheno marasaeano, dofekasodomo lalondo mie suano Yahudi so dabansiꞌao bhahitie marasaeano.

Tula-tulando rasulu 6:12

Pedamo naꞌa andoa dewudhu mie bhahi, kamungkulaꞌi, bhe pande-pande Kitabi, maka dohako Stefanus. Lasao dobulue ne wisendo Sahano Agama.

Tula-tulando rasulu 5:18

Rasulu dohakoda maka dofopesuada weo katohongkundo mie ndidiki.

Tula-tulando rasulu 4:3

Kohoduando dohakoda maka dotohongkuda ampa nomentae, kapaꞌamo oleo nohondomo.

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Tula-tulando rasulu 2:9

Intaodiomu ini miendo Parsia, Media, Elam, miendo Mesopotamia, Yudea, Kapadokia, Pontus bhe Asia,

Tula-tulando rasulu 6:9

Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

Tula-tulando rasulu 16:6

Andoa doangkai kadieno Frigia bhe kadieno Galatia mbaꞌinomo Rohino Lahataꞌala miina naꞌumundaꞌaanda daefolele Bhihita Metaa we kadieno Asia.

Tula-tulando rasulu 20:19

Weo kaꞌondofaoku adhalangi kahadhaano Ompu, miina amosibhala wutoku, pakade nentuhu nondawu luuku bhe nobhahi aeꞌawa kasoba maiꞌao ne miendo Yahudi so mongko kanau.

Tula-tulando rasulu 24:11

Naembali damee-meena, kaneꞌo we ompulu haa oleono itu ahato we Yerusalem, patudhuku asumambahea.

2 Korintus 11:26

Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.