Tula-tulando rasulu 21:13 - Muna Southern Dialect

¹³ Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Tula-tulando rasulu 21:13 Referans Kwoze

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

2 Timotius 4:6

Ane wutoku, ampa aini heaku nopotuhumo mbalimo kabubusino kapopanga so Lahataꞌala. Nomaꞌomo tempono ahumunsa dhunia ini.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

2 Petrus 1:14

Kapaꞌamo apandeꞌaane dadiku ini paemo naomponaa, ingka padamo nofohato kanau wutono Yesus Kristus Ompuntoomu.

Tula-tulando rasulu 20:37

Kosasawindo doꞌae tadokansodu-nsodumo poowa dokakopu Paulus bhe dowonoe.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

2 Timotius 1:4

Afeꞌulai kaowu ndawuno luumu, nokamba laloku apoꞌawaangko toha, nosungkuꞌao kaꞌiaku.

1 Korintus 15:31

Seꞌo-seꞌoleo aewiseki mate. Bhe kawoseno bhakeku ne hintimiu bhahitieꞌiku, pugauku ini nokotuꞌu, hampano weo Kristus Yesus Ompuntoomu nowoseangkoomu bhakeku.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Filipi 2:26

So katifosuliꞌano, mbaꞌinomo nokambamo sepaliꞌa lalono ne kosasawimiu, nosabhamo bhe handano kapaꞌamo fetingkeomu nosaki.