Tula-tulando rasulu 20:35 - Muna Southern Dialect

³⁵ Ne sabhaha nehabuku ini afotiwohaangkomoomu sandaha putae tabeano dokahadhaa moꞌosa peda aini so datumulumiꞌao mie kumadee-deeno. Ingka nofaraluu datumandai nepugauꞌaono Ompu Yesus, kapaꞌamo padamo nopugau ambano, ‘Nobahakati dofowaꞌao bhe detahimaa.’ ”

Tula-tulando rasulu 20:35 Referans Kwoze

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Matius 10:8

Fekaꞌosadaomu mie mosaki, fowanudaomu mie mate, fekaꞌuhidaomo mie kokuli modaino, folimbadaomu seetani. Kosasawiꞌae ini awaeꞌomu miina umolieꞌomua, dadiꞌanomo tafowaꞌaomoomu dua.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

Tula-tulando rasulu 20:20

Ingka pandeꞌaaneomu dua ampuu-mpuunie sepaliꞌa afohatoangkoomu kofahalaaꞌano so hintimiu. Kosasawiꞌae apadae afebhihitaiangkoeꞌomu bhe afoinaꞌuangkoeꞌomu, naetaa ne wisendo mie bhahi naetaa weo pohompu-hompuꞌa ne lambumiu.

2 Korintus 12:13

O ae bhahaa tandano nokae kaꞌondofaoku ne hintimiu bhe kaꞌondofaoku ne tombudo umati sigaoꞌano? Ingka mpahinomo miina tumanggo kanauꞌomu. Aesaloane maafu kaꞌasi kaꞌalaku sehondano inia!

2 Korintus 11:9

Wakutuuno aeate bhe hintimiu maka aokae, ingka miina amekabhie hintimiu maumo naseemie, tamaka doomputi kanau bhahitieꞌi humatono maiꞌao ne Makedonia ini. Sadhia adhagani wutoku keana afekasabhakoomu, patudhuku nada ini kansuhu, pae aembali wowoꞌomiu.

1 Tesalonika 4:11

Uleiꞌeomu lalomiu dadiomu weo katohopo, koise meꞌatoro dadino mie bhaimu, naetaa gumiuꞌomu so kadadiꞌano wutomiu, peda nefoinaꞌuꞌao mani endefiꞌini.

2 Korintus 11:12

O ae toka nehabuku ahumabue kansuhu keana mie andoa naꞌa deꞌawa kasalawa dasumangke-sangke wutondo bhe dapugau putae kahadhaando andoa maitu nopototo bhe kahadhaa mani ini.

1 Korintus 9:12

Ane mie sigaoꞌano dokohaku daetahima dawundo maiꞌao ne hintimiu, ingka kunaꞌekumo nofoliu dua kakohaku mania. Ampamo kaowu haku aitu miina tamakeea. Insaodi nandoo tapoindalo tasabahaki sabhaha kasabha, sumanomo koe taꞌontomi foleleꞌano Bhihita Metaano Kristus.

Tula-tulando rasulu 20:34

Ingka pandeꞌaaneomu dua o limakumo ini kumahadhaano mbali kadadiꞌaku wutoku bhe kadadiꞌando sabhangkaꞌiku pobhai kanau.

Tula-tulando rasulu 20:36

Pada nopugau peda maitu Paulus bhe kosasawindo dosefongko-fongkohaꞌamo tuundo maka dosambahea.

3 Yohanes 1:7

Kapaꞌamo kakalaꞌando ⸤ deowa Bhihita Metaa⸥ so dameompuꞌao ne Kristus, bhe miina dakoniala maiꞌao ne mie tapa marasaeano ne Kristus.