Tula-tulando rasulu 20:33 - Muna Southern Dialect

³³ Miinaꞌo sepaliꞌa akonimesaloa ne laꞌae-laꞌaemoa, nasalaka, nabulawa, tawa o pakea.

Tula-tulando rasulu 20:33 Referans Kwoze

2 Korintus 11:9

Wakutuuno aeate bhe hintimiu maka aokae, ingka miina amekabhie hintimiu maumo naseemie, tamaka doomputi kanau bhahitieꞌi humatono maiꞌao ne Makedonia ini. Sadhia adhagani wutoku keana afekasabhakoomu, patudhuku nada ini kansuhu, pae aembali wowoꞌomiu.

1 Korintus 9:12

Ane mie sigaoꞌano dokohaku daetahima dawundo maiꞌao ne hintimiu, ingka kunaꞌekumo nofoliu dua kakohaku mania. Ampamo kaowu haku aitu miina tamakeea. Insaodi nandoo tapoindalo tasabahaki sabhaha kasabha, sumanomo koe taꞌontomi foleleꞌano Bhihita Metaano Kristus.

1 Korintus 9:18

Kaowu o ae bhahaa so ponamboku? Ingka pedamo aini ponamboku: weo foleleꞌano Bhihita Metaa miina aesalo dhoi, hampano hakuku aesalo so kadadiꞌaku miina amakeea.

2 Korintus 7:2

Lengka kainsamiomu totono lalomiu! Ingka miina takokaꞌala ne laꞌae maka dua, ingka miina bhe nefekahugi mania, miina dua taeꞌondofi laba ne laꞌae maka dua.

1 Tesalonika 2:5

Ingka pandeꞌaaneomu dua miina sepaliꞌa tamekameko-meko pugau mani, miina dua taefebuniangkoomu patudhu kumadau-dauno. Lahataꞌala sakusii mani.

1 Korintus 9:15

Tamaka haku anaꞌa bhe naseꞌise miina amakeea. Pedamo dua abuhi suha aini miina akopatudhu neanomo daꞌumondofa kanau nada naꞌa, kapaꞌamo madaꞌo amate! Bhe naseemie pae bhe so mosalino sabhaha nemowoseꞌaono bhakeku.

1 Petrus 5:2

Aesalo mpuu ne hintimiu kamungkulaꞌi, ondofaandaomu umatino Lahataꞌala nefoparasaeano ne hintimiu itu. Kapaꞌamo andoa maitu kanggetumo kawaino dhumba, hintimiu o dhagano. Koise nokobuku lalomiu tamaka nahumelasi lalomiu dhumaganidaomu, noposahataa bhe kapoindalono Lahataꞌala. Koise dua ondofaandaomu so kolabaꞌaoꞌomu, tamaka kotu-kotuꞌu patudhumiu meompuniꞌidaomu.

1 Korintus 9:4

Bhahaa miina takohakua taomaa bhe taohoꞌu hasilino kaowuleꞌa mani?

2 Korintus 11:7

Wakutuuno aefebhihitaiangkoomu Bhihita Metaano Lahataꞌala, ingka miina aesalo tumanggo kanauꞌomu mahingga naseendai. Patudhuku afekapanda wutoku so asumangkeꞌao hintimiu. Bhahaa aꞌalamo ahabu peda anaꞌa?

3 Yohanes 1:7

Kapaꞌamo kakalaꞌando ⸤ deowa Bhihita Metaa⸥ so dameompuꞌao ne Kristus, bhe miina dakoniala maiꞌao ne mie tapa marasaeano ne Kristus.