Tula-tulando rasulu 20:31 - Muna Southern Dialect

³¹ Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Tula-tulando rasulu 20:31 Referans Kwoze

Tula-tulando rasulu 20:19

Weo kaꞌondofaoku adhalangi kahadhaano Ompu, miina amosibhala wutoku, pakade nentuhu nondawu luuku bhe nobhahi aeꞌawa kasoba maiꞌao ne miendo Yahudi so mongko kanau.

Tula-tulando rasulu 19:10

Aini nodhalangie haa taꞌu kaomponano sampe kosasawindo meateno ne kadieno Asia maitu dofetingkemo bhoasaono Ompu, namiendo Yahudi namiendo Yunani.

Tula-tulando rasulu 19:8

Ampa tolu wula Paulus sadhia nopesua weo lambu kasambaheaꞌa ne itu bhe nokado nofofoguhu. Nopuga-pugau bhe andoa patudhuno mpuu namoparasaeada ne kahatoꞌano Kafopahintaꞌano Lahataꞌala.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Matius 13:25

Gahaꞌa sealo, tangasano doodo mie, nomaimo kaewano lasao neꞌewiane dana ne olotano gandum naꞌa maka nokala.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

2 Tesalonika 3:8

Insaodi miina tataomaamoa, sadhia taeꞌoli, pakade mentae mohondo taꞌulei bhe tafekawule-wule keana taembali wowoꞌomiu.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

1 Korintus 4:14

Abuhiangkoomu aini miina akopatudhu amekaambanokoomua, tamaka atangahikoomu peda anaꞌiku timoasiꞌaono.

Tula-tulando rasulu 24:17

Ntini taꞌu-taꞌumo akala, maka asuli toha we Yerusalem aewowoꞌo sadhakaa so saliwuku, bhe kapopanga so Lahataꞌala.

Tula-tulando rasulu 20:11

Hato nosuli te wawo, Paulus nebhebheha roti maka dosihuma-humaaꞌa. Pada dohumaa, nandoo nompona toha nopuga-pugau; tanohaha kamentae maka nokala.

Tula-tulando rasulu 20:7

Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

Matius 3:7

Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Filipi 3:18

Kapaꞌamo nentelamo afohatokoomu, aitu afenduaꞌemo dua nopotuhu bhe luuku, putae dobhahi mie kodadindo nopoewangi bhe patudhundo mateno Kristus te sau salipu.

2 Tesalonika 2:5

Ingka kosasawiꞌae ini padamo afohatoangkoeꞌomu wakutuu nandoo kanau bhe hintimiu endefiꞌini. Miinamo meꞌulaiꞌeomua bhahaa?