Tula-tulando rasulu 20:29 - Muna Southern Dialect

²⁹ Apandeꞌaane dua, akumundo kaowu, o daꞌu ngkahoku fohumaano namesuakikoomu maka pae naegana-ganaa nadumai-dai kaseꞌiseno umati.

Tula-tulando rasulu 20:29 Referans Kwoze

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Yohanes 10:12

Nopoꞌala bhe mie mealano ponambo, anoa maitu suano dhagano dhumba, suano dua kodhumbano. Mie medano aini, sanowoha daꞌu ngkahoku nomai, tanohunsada dhumba maitu maka nofilei. Dhumba andoa naꞌa nohontopidamo daꞌu ngkahoku bhe nopogasa-gasaanda.

Lukas 10:3

Kalamoomu, atudukoomu ini tapedamo anano dhumba monaleno damesua ne wunta-wuntano daꞌu ngkahoku.

Matius 10:16

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Yohanes 21:15

Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

1 Petrus 5:2

Aesalo mpuu ne hintimiu kamungkulaꞌi, ondofaandaomu umatino Lahataꞌala nefoparasaeano ne hintimiu itu. Kapaꞌamo andoa maitu kanggetumo kawaino dhumba, hintimiu o dhagano. Koise nokobuku lalomiu tamaka nahumelasi lalomiu dhumaganidaomu, noposahataa bhe kapoindalono Lahataꞌala. Koise dua ondofaandaomu so kolabaꞌaoꞌomu, tamaka kotu-kotuꞌu patudhumiu meompuniꞌidaomu.

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”