Tula-tulando rasulu 20:28 - Muna Southern Dialect

²⁸ Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 20:28 Referans Kwoze

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

1 Timotius 3:2

Dadiꞌanomo neangkando umati tabeano mie tapa kodengo-dengono, seemie kaowu hobhineno, nopoolie nofewanaki totono lalono, nokotimbangi, nokoꞌadhati, nohelasi nefotiampe mie weo lambuno, bhe nopande nofofoinaꞌu.

Tula-tulando rasulu 13:2

Seꞌoleo tangasano dosambahea ne Ompu bhe dopoasa, nokobhoasaomo Rohino Lahataꞌala, “Fekakopuuni kanauꞌomu Barnabas bhe Saulus so dadhumalangiꞌao taka nefotantuku so andoa.”

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

Efesus 1:14

Rohino Lahataꞌala ini kafekantoono dhandino Lahataꞌala putae tetewei namada kaowu daꞌumawae kosasawiꞌae nedhandiꞌaono. Aini nofekatangka dua kaparasaeantoomu, ingka intaodiomu fehebuaꞌano Lahataꞌala ini, kotu-kotuꞌu dabebasi ⸤ maiꞌao ne kuasano dhosa⸥ . Pudhi kaitaomu Lahataꞌala hampano kakalabhiano!

Galatia 1:13

Ingka fetingkeemoomu, peda amai dadiku endefiꞌini weo agama Yahudi; miina aegana-ganaa afodee-dee umatino Lahataꞌala, patudhuku amobinasada.

Tula-tulando rasulu 20:29

Apandeꞌaane dua, akumundo kaowu, o daꞌu ngkahoku fohumaano namesuakikoomu maka pae naegana-ganaa nadumai-dai kaseꞌiseno umati.

Tula-tulando rasulu 20:17

Paulus netudu seemie namaiꞌao we Miletus nakumala we Efesus. Anoa noowili kamungkulaꞌindo umati marasaeano we kotano Efesus damai we Miletus.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Kolose 4:17

Fohatoomu dua Arkipus, “Fotokaemo kahadhaa netahimamu weo kaꞌondofaomu ne Ompu.”

Efesus 4:11

Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.

1 Korintus 15:9

Kapaꞌamo idi ini foliunomo kandidiki ne olotando rasulu, sakotuꞌuno pae namantasia dakumona kanau rasulu hampano padamo afodee-dee umatino Lahataꞌala.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Titus 1:7

Kapaꞌamo seemie neangkando umati neꞌatoro kahadhaano Lahataꞌala, dadiꞌanomo tabeano suano mie kodengono, suano mie melangkeno diu, suano mansoꞌamahano, suano mempohoꞌuno, suano mansopogihano, suano kumadau-dauno bhe dhoi.

Kolose 1:14

Noangka ne Anano, nofobebasi kaitaomu, maꞌanano dhosantoomu notiꞌamponimo.

1 Korintus 11:22

Bhahaa miina kolambuomu so momaa mohoꞌuꞌaoꞌomu? Bhahaa mekaꞌaebu umatino Lahataꞌala bhe mekaambanoomu kaowu tapa kokanandoono? Kaowu amugaumo nada amai bhahaa ne hintimiu itu? Amudhikoomu bhahaa? Teteweimo paise!

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Matius 16:18

Amohatoko, hintumo Petrus ⸤ maꞌanano nea aini o kontu dempa,⸥ maka te wawono dempa aini amoehe umatiku. Mahingga kuasano mate pae natumaloea.

Matius 2:6

‘Betlehem, ne kadieno Yehuda, hintu kotu-kotuꞌu suano liwu fofoliuno kahobu ne olotando liwu bhalaꞌino ne kadieno Yehuda, hampano namaiꞌao ne hintu namehe seemie so neangka, Anoamo so mowano umatiku Israel.’ ”

Roma 16:16

Pofea-feabhaomu bhe pomoni-moniniꞌaoꞌomu peda bhahitie pomoa-moasiꞌaono. Kosasawindo umatino Kristus ⸤ ne ini⸥ dopakatuangkoomu dua salam.

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

1 Timotius 3:1

Nokotuꞌu mpuu bhoasao aini: mie mobhalano lalo naembali neangkando umati nepoindalo kahadhaa mokesa.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.