Tula-tulando rasulu 20:25 - Muna Southern Dialect

²⁵ Kosasawimiu padamo aangkaikoomu aefebhihitaiꞌao Kafopahintaꞌano Lahataꞌala. Aitu apandeꞌaanemo, paemo moha kanauꞌomua.

Tula-tulando rasulu 20:25 Referans Kwoze

Tula-tulando rasulu 28:31

Mentalea-mentalea nokado nefolele bhihita Kafopahintaꞌano Lahataꞌala bhe nofofoguhuꞌao kafoinaꞌuno Ompu Yesus Kristus, miina bhe umonto-ontomiea

Tula-tulando rasulu 20:38

Nokompeaha sepaliꞌa lalondo, sedhuluꞌa dua mbaꞌinomo padamo nopugau paemo daohaea. Pada anaꞌa doatoemo we bhangka.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Kolose 2:1

Gaoku mpuu mandeꞌaaneomu kabhieno apoewangi weo totono laloku so hintimiu bhe umati we Laodikia bhe kosasawindo mie tapaꞌo mohano ulaku.

Galatia 1:22

Ampa wakutuu anaꞌa umati marasaeano ne Kristus we kadieno Yudea miinaꞌo bhe mohano ulaku.

Roma 15:23

Tamaka ampa aitu, hampano takaku ne kadie aini nopalusimo bhe ntini taꞌu-taꞌumo nokamba laloku apoꞌawa bhe hintimiu,

Tula-tulando rasulu 8:12

Tamaka aitu mie doparasaeamo ne Filipus. Anoa nefoleleanda bhihitano Kafopahintaꞌano Lahataꞌala bhe bhihitano Yesus Kristus. Namoꞌane nahobhine dokadiuda.

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Lukas 9:60

Tamaka Yesus nopugaumo ambano, “Hunsaꞌanomo mie mate dakumobuhu mie mate bhaindo, tamaka hintu kala folele bhihita Kafopahintaꞌano Lahataꞌala.”

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 13:19

Kotika mie metingkeno bhoasao Kafopahintaꞌano Lahataꞌala tamaka miina nalumosangiea, nomaiꞌie Kafeompuꞌando seetani norampasi bhoasao kaneꞌo neꞌewi weo totono lalondo maitu. Aitumo maꞌanano wine mondawuꞌano ne kaangkaꞌa.

Matius 10:7

Kalaomu bhe foleleomu, ‘Kafopahintaꞌano Lahataꞌala nomaꞌomo.’

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”