Tula-tulando rasulu 20:20 - Muna Southern Dialect

²⁰ Ingka pandeꞌaaneomu dua ampuu-mpuunie sepaliꞌa afohatoangkoomu kofahalaaꞌano so hintimiu. Kosasawiꞌae apadae afebhihitaiangkoeꞌomu bhe afoinaꞌuangkoeꞌomu, naetaa ne wisendo mie bhahi naetaa weo pohompu-hompuꞌa ne lambumiu.

Tula-tulando rasulu 20:20 Referans Kwoze

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

1 Korintus 14:6

Dadiꞌanomo bhahitieꞌiku, ane ibahano amai ne hintimiu maka aepake wambano Rohi, o ae bhahaa fahalaano so hintimiu? Ingka kaneꞌo nakofahalaa ane amohatoangkoomu powoha netahimaku ne Lahataꞌala, tawa amosampeangkoomu nepandeꞌaoku, tawa akosuahaangkoomu nada anabii tawa amoinaꞌukoomu.

1 Korintus 12:7

Tamaka ne manusia seemie-seemie notiwoha kapooli nedawuꞌaono Rohino Lahataꞌala so kaetaaꞌantoomu.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Markus 4:34

Dadiꞌanomo ane nefoinaꞌu mie bhahi, sadhia nepalendaanda. Tamaka ane tanomoisa bhe anaguhuꞌino, kosasawiꞌae nofohatoandae bhe maꞌanano.

Filipi 3:1

Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Tula-tulando rasulu 5:2

Olino sedawu nohunsae so wutondo, sedawuno nowaꞌandae rasulu. Anaꞌa nopandeꞌaane dua hobhineno.