Tula-tulando rasulu 2:46 - Muna Southern Dialect

⁴⁶ Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Tula-tulando rasulu 2:46 Referans Kwoze

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Tula-tulando rasulu 20:7

Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Tula-tulando rasulu 16:34

Pada peda naꞌa nowowoꞌodamo se lambuno maka neꞌondofianda dohumaa. Kaꞌiano maka mbaꞌinomo anoa bhe kosasawindo mie weo lambuno doparasaeamo ne Lahataꞌala.

Kolose 3:22

Hintimiu membalino bhatua, sadhia meangkaomu ne kafeompuꞌamiu we dhunia ini. Koise meangkaomu ane doꞌondo-ondokoomu kaowu, so tipudhiꞌaoꞌomu, tamaka meangkaomu maiꞌao weo totono lalo mohelasi, hampano kafosibhalamiu ne Ompu.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Lukas 24:53

Andoa sadhia weo Lambuno Lahataꞌala, dopudhi dofekakalabhia Lahataꞌala.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

Tula-tulando rasulu 5:21

Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.

Tula-tulando rasulu 3:1

Seꞌoleo Petrus bhe Yohanes dokala we Lambuno Lahataꞌala. Ne naꞌa hambi tolu mata kamaꞌoleono, wakutuunomo dosambahea.

Lukas 24:30

Hato naomaa bhe andoa, Yesus nealamo roti, nobarakatie maka nobhebhehae bhe nodawuandae.

Matius 6:22

O mata kantaleanomo mbadha. Ane netaa matamu, nentaleamo dua mbadhamu.

Efesus 6:5

Hintimiu bhatua, meangkaomu ne kafeompuꞌamiu te dhunia ini. Fosibhaladaomu bhe meangkaomu mpuu maiꞌao weo totono lalomiu mohelasiꞌano, peda meangkaomu ne wutono Kristus.

Lukas 11:41

Ampamo kaowu, iꞌino kampomaaꞌa bhe kampohoꞌuꞌa tabeano podawu-dawuomu dua bhe mie mokae. Ane nada anaꞌa naonggelamo kosasawiꞌae, naetaa mbadhamiu naetaa totono lalomiu.

1 Korintus 10:16

Wakutuuno dofohoꞌuomu angguru poowa defoampe katumpuno lalo ne Lahataꞌala hampano kampohoꞌuꞌa anaꞌa, ingka tandanomo kaseꞌisentoomu bhe heano Kristus. Wakutuuno dopobheha-bhehaomu roti maka dohumaaꞌe, ingka tandanomo kaseꞌisentoomu bhe mbadhano Kristus.