Biblia Todo Logo
Bib sou entènèt

- Piblisite -




Tula-tulando rasulu 2:33 - Muna Southern Dialect

33 Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Gade chapit la Kopi




Tula-tulando rasulu 2:33
32 Referans Kwoze  

Sepaku tangasano nohumaa bhe andoa, nopugauandamo ambano, “Koe hunsaomu Yerusalem ini, meateomu ne ini. Antagiomu dhandino Amaku, dhandino nepulaoꞌaoku endefiꞌini.


Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.


⸤ Peda aini bhoasaono Lahataꞌala,⸥ ‘Nahumato pandano dhamani amosampu Rohiku ne kosasawindo manusia; anaꞌimiu namoꞌane nahobhine damandemo dakosuaha nada anabii, ana moꞌanemiu amaꞌanda powoha, kamungkulaꞌimiu amaꞌanda monifi.


Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.


Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.


Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.


Yesus Kristus nofobebasi kaitaomu neanomo namangka ne Anoa sabhaha bansano liwu datumahima dua kabarakati nedhandiꞌaono Lahataꞌala ne Abraham. Ane nada anaꞌa intaodiomu marasaeano datumahimamoomu dua Rohino Lahataꞌala toka nedhandiꞌaono.


Miendo Yahudi marasaeano ne Yesus mangkafino Petrus maitu, kosasawindo tadomente mbaꞌinomo dowoha Lahataꞌala nowaꞌao dua Rohino ne mie suano Yahudi.


Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.


Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.


Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.


Tamaka Imamu seemieno maitu nefoampe kapopanga sehonda kaowu mbali katolosino dhosa, nolaku ampa suhue dhamani. Palusi anaꞌa nengkohamo ne suanano Lahataꞌala.


Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.


Rohino naꞌa nowaꞌa kaitae Lahataꞌala miina naegana-ganaa, noangka ne Yesus Kristus Fosalamatino.


Kanandooꞌanomo notibuhi weo Kitabi peda aini, “Wakutuuno nofoni te kaeateꞌa fofoliuno kalangke, dobhahi katohongku newowoꞌono. Nobhahi dua kawaꞌaono ne manusia.”


Dadiꞌanomo Ama, waꞌa kanau toha kakalabhiaku ne sohihimu, napototo bhe kakalabhiaku ne sohihimu endefiꞌini, miinaꞌo natifokonandoo dhunia.


Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.


Mada kaowu o Idi amakatuangkoomu toka nedhandiꞌaono Amaku. Ampamo kaowu hintimiu tetewei meateomu weo kota ini sampe nakumabhintikoomu kuasa namaiꞌao te surugaa.”


Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.


Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.


Swiv nou:

Piblisite


Piblisite