Tula-tulando rasulu 19:35 - Muna Southern Dialect

³⁵ Panda-pandano dhurutulusino kota aitu nopooli dua nofohempo mie bhahi maitu. Ambano, “Miendo Efesus! Ingka kosasawindo mie ne dhunia ini dopandeꞌaane putae kotanomo Efesus ini mohilalono lambu katisombaiꞌano dewa Artemis fofoliuno kakalabhia. Intaodiomu dua mohilalono kontu mongkilono sandahano, sumampuꞌano maiꞌaono te lani.

Tula-tulando rasulu 19:35 Referans Kwoze

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Efesus 2:12

Wakutuu anaꞌa miinaꞌo bhe taiꞌamiu ne Kristus, hintimiu mie we sembalino miendo Israel, miinaꞌo tilentuomu umati nepilino Lahataꞌala. Miinaꞌo dua mealaomu dawu weo podhandino Lahataꞌala toka nedhandiꞌaono ne umatino. Hintimiu dadiomu te dhunia miinaꞌo bhe neposahunaꞌaomiu, miina dua mandeꞌaoꞌomu Lahataꞌala.

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 18:19

Dohato we kotano Efesus Priskila bhe Akwila nohunsadamo ne itu. Paulus nopesua weo lambu kasambaheaꞌa maka nopuga-pugau bhe miendo Yahudi.

Yohanes 9:31

Ingka dopandeꞌaaneomu Lahataꞌala miina naefetingke mie kodhosa, mpahinomo mie lumebeno dhumalangino kapoindalono.

Tula-tulando rasulu 19:34

Tamaka sadopandeꞌaane anoa maitu miendo Yahudi, kosasawindo dosikei-keiꞌamo napehaa dhamu kaomponano. Ambado, “Nokalabhia Artemis, dewando miendo Efesus!”

Tula-tulando rasulu 19:36

Aini miina natigagaia. Dadiꞌanomo fotoho lalomiu, koe tapaꞌindulu kodiuꞌomua.