Tula-tulando rasulu 19:34 - Muna Southern Dialect

³⁴ Tamaka sadopandeꞌaane anoa maitu miendo Yahudi, kosasawindo dosikei-keiꞌamo napehaa dhamu kaomponano. Ambado, “Nokalabhia Artemis, dewando miendo Efesus!”

Tula-tulando rasulu 19:34 Referans Kwoze

Tula-tulando rasulu 19:28

Dofetingke peda naꞌa mie bhahi nohehemo bhakendo, kaꞌosano amahando, maka dopokakei-kei ambado, “Nokalabhia Artemis, dewando miendo Efesus!”

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Tula-tulando rasulu 16:20

Dohato ne wisendo kabhalaꞌino kota maitu, dopugaumo ambado, “O miendo Yahudi ini dehabu kahungga weo kotantoomu ini!

Matius 6:7

Pakade sambaheamu koe tanobhahi-bhahimo wamba tapa komaꞌanano, peda kaneando mie tapa mandeꞌaono Lahataꞌala. Dukuno lalondo hampano kabhahino wambado maitu, natitahimaanemo kamesalondo.

Roma 2:22

Hintu fofoguhuno pae damonsulea, noafa wutomu monsuleꞌao? Bansieꞌomu desombai barahala, noafa gahaꞌa merampasiꞌaoꞌomu sabhaha bara weo lambu katisombaiꞌano barahala maitu?

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 19:24

Nandoo seemie pandeno salaka koneaꞌano Demetrius, nehabu-habu kalambu-lambu salaka, sandahano lambu katisombaiꞌano dewa hobhine nekonando Artemis. Kagiuno ini nobhahi labano mbali mie kumahadhaano.

Tula-tulando rasulu 19:33

Nandoo seemie koneaꞌano Aleksander dodhudhulaane miendo Yahudi te wise, kunaꞌendomo anoamo mehabuno kahungga. Lasao noaleda keana dohobho patudhuno natumunduꞌao wutono te wisendo mie bhahi maitu.

Tula-tulando rasulu 19:35

Panda-pandano dhurutulusino kota aitu nopooli dua nofohempo mie bhahi maitu. Ambano, “Miendo Efesus! Ingka kosasawindo mie ne dhunia ini dopandeꞌaane putae kotanomo Efesus ini mohilalono lambu katisombaiꞌano dewa Artemis fofoliuno kakalabhia. Intaodiomu dua mohilalono kontu mongkilono sandahano, sumampuꞌano maiꞌaono te lani.