Tula-tulando rasulu 19:29 - Muna Southern Dialect

²⁹ Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Tula-tulando rasulu 19:29 Referans Kwoze

Tula-tulando rasulu 20:4

Dopobhaiane Sopater anano Pirus mieno Berea, Aristarkus bhe Sekundus, kohoduando miendo Tesalonika, Gayus mieno Derbe, Timotius, Tikikus bhe Trofimus miendo Asia.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Tula-tulando rasulu 27:2

Tasawimo ne kapala maiꞌaono we kotano Adramitium. Bhangka aini namangkai kota-kota kalabuꞌano bhangka ne kadieno Asia. Aristarkus miendo Makedonia maiꞌaono we kotano Tesalonika nopobhai kainsami dua.

1 Korintus 4:9

Kapaꞌamo fenaiku, insaodi rasulu, Lahataꞌala notei kainsami we kundo-kundo, tapedamo mie so nepongko ne wisendo mie bhahi. Insaodi taembali kapokabhidha-bhidhaꞌando dhunia ini, kasimata-mataꞌandomo sabhaha mie bhe malaꞌekati.

1 Korintus 1:14

Notumpu sepaliꞌa laloku hampano kabhahimiu itu bhe naseemie miina bhe nekadiuku, mpahinomo Krispus bhe Gayus.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

Tula-tulando rasulu 21:30

Mieno kota tadohialelemo, raꞌeati tadosipumpumo. Pada dohakoe, Paulus dobulue we simbali maka lasao dosongko kosasawiꞌae fointono Lambuno Lahataꞌala.

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

2 Korintus 8:19

Suano kaowu taꞌanaꞌa, tamaka mie aini padamo dua dopilie umati marasaeano so pobhai kainsami weo kala-kala mani ⸤ we Yerusalem⸥ . Kapaꞌamo takumala we naꞌa taewowoꞌo kawaꞌaono kanini kaasi ini, somo kakalabhiano Ompu, somo dua bukutiino kahelasino lalo mani.

Tula-tulando rasulu 21:38

Kunaꞌekumo hintu ini miendo Mesir mehabuno kahungga haꞌoleo ini, mefileiꞌaono fato hewu gurumbola koewangano we pandaso bhalano. Gahaꞌa suano?”

Tula-tulando rasulu 20:34

Ingka pandeꞌaaneomu dua o limakumo ini kumahadhaano mbali kadadiꞌaku wutoku bhe kadadiꞌando sabhangkaꞌiku pobhai kanau.

Tula-tulando rasulu 19:32

O mie tihompuno weo stadion netaa mpuu dopokakei-keia. Nandoo kumeino peda aini, nandoo kumeino peda aitu, tadopokakei-keimo, kapaꞌamo dobhahi pata mandeꞌaane noafa kahompuꞌando ne itu.

Tula-tulando rasulu 17:8

Dofetingke peda naꞌa mie bhahi bhe kabhalaꞌino kota nohaliamo lalondo.

Tula-tulando rasulu 16:9

Nohondo oleo Paulus nokopowohamo. Weo powohano nandoo seemie maiꞌaono we Makedonia neehe-ehe ne itu bhe nesalo ne anoa ambano, “Limbamo we sewetano ini, tulumi kainsami.”

Tula-tulando rasulu 13:5

Sahatondo we kotano Salamis, defolelemo bhoasaono Lahataꞌala ne lambu kasambaheaꞌando miendo Yahudi. Yohanes nosabhangkada mbali kahambado.

Tula-tulando rasulu 16:12

Tamaiꞌao ne itu takala se Filipi, kota kabhao-bhaono ne kadieno Makedonia ini. Kota aini kaeateꞌando miendo Roma. Seꞌoleo haa oleo nandoo taeate-ate ne itu.

Tula-tulando rasulu 19:21

Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

3 Yohanes 1:1

Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.