Tula-tulando rasulu 19:21 - Muna Southern Dialect

²¹ Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

Tula-tulando rasulu 19:21 Referans Kwoze

Tula-tulando rasulu 20:22

Tamaka ampa aitu taꞌaangka-angkamo pahintano Rohino Lahataꞌala akumala we Yerusalem, maka ne watu miina amandeꞌaane bhahaꞌi damafaꞌi kanau.

Tula-tulando rasulu 20:16

Paulus padamo nobhotusie pae namangkaa we kotano Efesus, keana nopuli wakutuuno we kadieno Asia. Anoa nombaago-ago, ane naembali paeꞌo nahumatoa hohaeaꞌano Pentakosta nahumatomo we Yerusalem.

Tula-tulando rasulu 23:11

Nohondo oleo Ompu neehe-ehemo ne sohihino Paulus ambano, “Fekatangka lalomu, ingka padamo sakusii kanau ne Yerusalem ini. Mada kaowu sumakusii kanau dua nada aitu we kotano Roma.”

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Tula-tulando rasulu 18:21

Paulus nofealaimo ambano, “Seꞌinawono toha asumulikikoomu ane namolalesa kanau Lahataꞌala.” Pada anaꞌa nohunsamo Efesus.

1 Tesalonika 1:7

Dadiꞌanomo hintimiu membaliomu sandaha so kosasawindo marasaeano we kadieno Makedonia bhe Akaya.

Galatia 2:1

Nopalusi ompulu fato taꞌu, asuli toha we Yerusalem apoowa bhe Barnabas, awowoꞌo dua bhe Titus.

1 Korintus 16:5

Mada amangka we Makedonia amai te hintimiu, kapaꞌamo alumempagi kadieno Makedonia.

Roma 1:15

Dadiꞌanomo apoindalo mpuu aefolele Bhihita Metaa ne hintimiu dua meateno we kotano Roma itu.

Tula-tulando rasulu 28:16

Sahato mani we Roma, Paulus doꞌundaꞌaane naeate nomoisa ne lambu kabutuꞌano bhe seemie tantara dhumaganie.

Tula-tulando rasulu 27:24

‘Paulus, koe moteꞌia, tetewei powise bhe Omputo Kaisar. Hampano rahamatino Lahataꞌala kosasawindo mie owaꞌamu weo bhangka ini dasumalamati, mbaꞌinomo bhe hintu.’

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 21:17

Sahato mani we Yerusalem kosasawindo bhahitie ne itu doꞌia sepaliꞌa dosumpui kainsami.

Tula-tulando rasulu 21:4

Ne itu taangkaimo bhahitieꞌi marasaeano maka taeate bhe andoa fitu oleo kaomponano. Bhe kafohatono Rohino Lahataꞌala, mie marasaeano ne itu dotangahimo Paulus keana nopansuhu we Yerusalem.

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 16:12

Tamaiꞌao ne itu takala se Filipi, kota kabhao-bhaono ne kadieno Makedonia ini. Kota aini kaeateꞌando miendo Roma. Seꞌoleo haa oleo nandoo taeate-ate ne itu.

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Roma 1:11

Nokamba mpuu laloku apoꞌawa bhe hintimiu, neanomo naembali adumawuangkoomu dua kabarakatino Rohino Lahataꞌala so namatangkaꞌao kaparasaeamiu.

1 Korintus 4:19

Tamaka ane Ompu namaꞌa kanau kalalesa, apikimai we hintimiu itu. Ne naꞌamo maka amandeꞌaanda mie melangkeno diu itu bhahaꞌi kuasa ae neꞌawando, suano kaowu taꞌo pugaundo.

2 Korintus 10:16

Ane nada anaꞌa naembali dua taefolele Bhihita Metaa we liwu-liwu we simbalimiu itu, tamaka paise namaraluua tasumangke-sangke wuto mani hampano kahadhaa toka nehabundo mie sigaoꞌano weo tidano takando.