Tula-tulando rasulu 18:27 - Muna Southern Dialect

²⁷ Pada anaꞌa Apolos nopoindalo nalumimba we kadieno Akaya maka bhahitieꞌi we Efesus depakatu suha ne bhahitie marasaeano we Akaya neanomo datumahimae. Sahatono we Akaya, hampano kabarakatino Lahataꞌala Apolos nokofahalaa sepaliꞌa mbali mie marasaeano ne Yesus ne kadie aitu.

Tula-tulando rasulu 18:27 Referans Kwoze

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

Filipi 1:25

Aparasaea mpuu bhe apandeꞌaanemo putae nandoo sumadaa-daa aeate bhe hintimiu, neanomo sadhulu-dhulu katangkano kaparasaeamiu bhe kawulano lalomiu.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

1 Korintus 16:3

Ahumato kaowu atumudumo mie mantasiꞌano ne pomatamiu, amaꞌanda suha dakumala we Yerusalem dawowoꞌo kawaꞌaomiu naꞌa.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Tula-tulando rasulu 18:18

Nomampona-mpona dua Paulus neate we kotano Korintus. Pada anaꞌa nofealaimo bhahitie marasaeano ne itu maka nosawi ne bhangka nohope we kadieno Siria. We kotano Kengkrea noguntimo wuluno fotuno, katandaino kafolapasino wea wambano ne Lahataꞌala. Priskila bhe Akwila dopobhaiane dua.

Tula-tulando rasulu 9:27

Mpahinomo Barnabas kumalaꞌie maka noowae ne rasuluꞌi. Barnabas netula-tulaandamo Saulus nowoha Ompu we laano sala maka Ompu nopugau bhe anoa. Netula-tulaanda dua kakadono Saulus nofebhihitaiꞌao neano Yesus we Damsyik.

1 Korintus 3:6

Idi metisano, Apolos tumubhasiane oe, tamaka wutono Lahataꞌala mefotumbuno kantisa.

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

Tula-tulando rasulu 11:26

Setaꞌu kaomponanoa deate bhe umati marasaeano ne itu, dobhahi dua mie nefoguhundo. We Antiokia naꞌa kabhao-bhaonomo mie marasaeano ne Yesus dokonada miendo sarani.

Tula-tulando rasulu 15:34

[Tamaka Silas nokopatudhu naeate-ate deki ne itu.]