Tula-tulando rasulu 18:21 - Muna Southern Dialect

²¹ Paulus nofealaimo ambano, “Seꞌinawono toha asumulikikoomu ane namolalesa kanau Lahataꞌala.” Pada anaꞌa nohunsamo Efesus.

Tula-tulando rasulu 18:21 Referans Kwoze

1 Korintus 4:19

Tamaka ane Ompu namaꞌa kanau kalalesa, apikimai we hintimiu itu. Ne naꞌamo maka amandeꞌaanda mie melangkeno diu itu bhahaꞌi kuasa ae neꞌawando, suano kaowu taꞌo pugaundo.

Yakobus 4:15

Sakotuꞌuꞌano tabeano pugauꞌomu nada aini, “Ane napoangkafi bhe kapoindalono Ompu, tadumadi bhe taehabu aini tawa aitu.”

Ibrani 6:3

Dadiꞌanomo ane Lahataꞌala namolalesa kaita, ingka anaꞌaemo so nehabuntoomu, ⸤ damopansuhuomu kapoguhuntoomu⸥ .

Roma 15:32

Mada anaꞌa, ane napoangkafi bhe kapoindalono Lahataꞌala, amai we hintimiu weo kawulano lalo, maka amewule bhe natilawesi laloku apobhaiangkoomu.

Roma 1:10

Weo sambaheaku sadhia aesalo mpuu sio-siomo ane napokantibha bhe kapoindalono Lahataꞌala, nasewakutuu asumalawa amai aꞌumondokoomu.

Tula-tulando rasulu 20:16

Paulus padamo nobhotusie pae namangkaa we kotano Efesus, keana nopuli wakutuuno we kadieno Asia. Anoa nombaago-ago, ane naembali paeꞌo nahumatoa hohaeaꞌano Pentakosta nahumatomo we Yerusalem.

1 Petrus 3:17

Ane kapoindalonomo Lahataꞌala dakumadee-dee, ingka netaa dokadee-dee hampano dohabu metaa, bhe dokadee-dee hampano dohabu modai.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

1 Korintus 16:7

Ampa aitu akiido aohakoomu sekabantaha kaowu; aposahunaꞌao ane bhe kalalesano Ompu, naompona seendai aeate bhe hintimiu.

Tula-tulando rasulu 21:14

Miina kaowu nametingke kamesalo mani naꞌa, miinamo takodiua. Amba mani, “Hunsaꞌanomo kapoindalono Ompu so kumadhadhiaꞌano!”

Tula-tulando rasulu 19:21

Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

Tula-tulando rasulu 15:29

koemo humaaꞌomua oti nepopanga ne barahala, koe humaaꞌomu hea, koe humaaꞌomua kamateno kadadi pata nesumbele bhe koemo monsuleomua. Dhumaganiomu kaowu wutomiu ne anaꞌa, ingka habu metaamoomu. Pedamo kaowu anaꞌa, notumpu lalo mani.”

Lukas 9:61

Nandoo dua seemie nopugaumo ambano, “Amangkafiko Ompu, tamaka folalesa kanau kadeki amealai ne meateno se lambuku.”

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Markus 6:46

Nopogaati kaowu bhe andoa, Yesus nofonimo nosambahea te kabhawo.

Tula-tulando rasulu 18:19

Dohato we kotano Efesus Priskila bhe Akwila nohunsadamo ne itu. Paulus nopesua weo lambu kasambaheaꞌa maka nopuga-pugau bhe miendo Yahudi.

Tula-tulando rasulu 18:20

Miendo Yahudi desaloe naeate namekampona ne itu tamaka miina naꞌumundaa.

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Tula-tulando rasulu 19:17

Kadhadhia amaitu dofetingkee kosasawindo mieno kota Efesus, namiendo Yahudi namiendo Yunani. Dadiꞌanomo kosasawindo doteꞌi sepaliꞌa maka dhulu katiende-ende neano Ompu Yesus.

Tula-tulando rasulu 21:29

Kapugauꞌando peda maitu hampano dowoha Trofimus maiꞌaono we Efesus nekala-kala bhe Paulus weo kota, kunaꞌendomo Paulus nowowoꞌo dua mie anaꞌa weo Lambuno Lahataꞌala.

1 Korintus 15:32

Ane tadamekihi kaowu kamanusia, o ae fahalaano ⸤ apoewangi bhe mie bhaiku⸥ we Efesus, kao-kaomo apoewangi bhe kaꞌuhi fohumaano? Ane mie mate pae damowanuda, ⸤ tadamangkafimo wamba aini,⸥ “Humaa fohoꞌu kaitaomu, kapaꞌamo naewine damatemo.”

1 Korintus 16:8

Tamaka nandoo aeate we kota Efesus ini ampa ne oleono hohaeaꞌano Pentakosta,

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.