Tula-tulando rasulu 18:19 - Muna Southern Dialect

¹⁹ Dohato we kotano Efesus Priskila bhe Akwila nohunsadamo ne itu. Paulus nopesua weo lambu kasambaheaꞌa maka nopuga-pugau bhe miendo Yahudi.

Tula-tulando rasulu 18:19 Referans Kwoze

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

1 Korintus 16:8

Tamaka nandoo aeate we kota Efesus ini ampa ne oleono hohaeaꞌano Pentakosta,

1 Korintus 15:32

Ane tadamekihi kaowu kamanusia, o ae fahalaano ⸤ apoewangi bhe mie bhaiku⸥ we Efesus, kao-kaomo apoewangi bhe kaꞌuhi fohumaano? Ane mie mate pae damowanuda, ⸤ tadamangkafimo wamba aini,⸥ “Humaa fohoꞌu kaitaomu, kapaꞌamo naewine damatemo.”

Tula-tulando rasulu 20:16

Paulus padamo nobhotusie pae namangkaa we kotano Efesus, keana nopuli wakutuuno we kadieno Asia. Anoa nombaago-ago, ane naembali paeꞌo nahumatoa hohaeaꞌano Pentakosta nahumatomo we Yerusalem.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 18:4

Seꞌo-seꞌoleono Sabat Paulus nokala nopuga-pugau bhe miendo Yahudi bhe Yunani we lambu kasambaheaꞌa, patudhuno namoparasaeada dua ne Yesus.

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

2 Timotius 4:12

Tikikus atudue nakumala we Efesus itu.

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 19:17

Kadhadhia amaitu dofetingkee kosasawindo mieno kota Efesus, namiendo Yahudi namiendo Yunani. Dadiꞌanomo kosasawindo doteꞌi sepaliꞌa maka dhulu katiende-ende neano Ompu Yesus.

Tula-tulando rasulu 18:21

Paulus nofealaimo ambano, “Seꞌinawono toha asumulikikoomu ane namolalesa kanau Lahataꞌala.” Pada anaꞌa nohunsamo Efesus.

Tula-tulando rasulu 18:20

Miendo Yahudi desaloe naeate namekampona ne itu tamaka miina naꞌumundaa.

Tula-tulando rasulu 19:28

Dofetingke peda naꞌa mie bhahi nohehemo bhakendo, kaꞌosano amahando, maka dopokakei-kei ambado, “Nokalabhia Artemis, dewando miendo Efesus!”

Tula-tulando rasulu 19:35

Panda-pandano dhurutulusino kota aitu nopooli dua nofohempo mie bhahi maitu. Ambano, “Miendo Efesus! Ingka kosasawindo mie ne dhunia ini dopandeꞌaane putae kotanomo Efesus ini mohilalono lambu katisombaiꞌano dewa Artemis fofoliuno kakalabhia. Intaodiomu dua mohilalono kontu mongkilono sandahano, sumampuꞌano maiꞌaono te lani.

Tula-tulando rasulu 20:17

Paulus netudu seemie namaiꞌao we Miletus nakumala we Efesus. Anoa noowili kamungkulaꞌindo umati marasaeano we kotano Efesus damai we Miletus.

Tula-tulando rasulu 21:29

Kapugauꞌando peda maitu hampano dowoha Trofimus maiꞌaono we Efesus nekala-kala bhe Paulus weo kota, kunaꞌendomo Paulus nowowoꞌo dua mie anaꞌa weo Lambuno Lahataꞌala.