Tula-tulando rasulu 18:15 - Muna Southern Dialect

¹⁵ Tamaka nepoꞌala-alatiꞌaomiu ini, ingka poꞌalati kaowu wamba, o nea bhe tubhono agama sapada-pada hintimiu. Dadiꞌanomo fosintuwuꞌao wutomiu, o idi aongahe aebhotusi giu medano aitu.”

Tula-tulando rasulu 18:15 Referans Kwoze

Tula-tulando rasulu 23:29

Hato apandeꞌaane gahaꞌa dohakoe mbaꞌinomo doposala-salamaꞌanaꞌao tubhono agamando, tamaka miina bhe mantasiꞌanoa so natipongkoꞌao tawa natitohongkuꞌaoa.

Tula-tulando rasulu 25:19

Ampamo kaowu doposala-salamaꞌanaꞌao agamando. Dopotagaliꞌao seemie koneaꞌano Yesus nomatemo, tamaka ambano Paulus mie amaitu suli nodadi.

1 Timotius 6:4

mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

Titus 3:9

Fekakodoꞌoeꞌomu sabhaha potagaliꞌa ngkabhohe-bhohe bhe tula-tulano sampuꞌa. Fekakodoꞌo dua wutomu ne powengke-wengkeꞌa bhe pogiha-gihaꞌaono tubhono agama Yahudi. Kapaꞌamo kosasawiꞌae naꞌa sanea tapa kofahalaaꞌano bhe nosia-sia.

2 Timotius 2:23

Koise meangkafi potaga-tagaliꞌando mie kabhohe-bhohe tapa konipandeꞌaono. Ingka pandeꞌaanemo medando naꞌa neowa kaowu pogiha-gihaꞌa.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

Tula-tulando rasulu 26:3

Nekodawuaꞌaoku sepaliꞌa mbaꞌinomo pandeꞌaane mpuu adhatindo miendo Yahudi bhe kahengetano agamando. Dadiꞌanomo aesalo ne wisemu tasabahamo fetingke kanau kadeki aetula-tula.

Tula-tulando rasulu 25:11

Ane kotu-kotuꞌu akokaꞌala, aehabu modaiꞌano so mantasiꞌano damongko kanau, ahelasimo amate. Tamaka ane pae nakotuꞌu nesangkatiꞌaondo naꞌa, bhe naseemie miina bhe kohakunoa dakumataho kanau ne miendo Yahudi ini. Parakaraku ini aꞌumendeane ne Omputo Kaisar.”

Matius 27:24

Pilatus nopandeꞌao lalono sabhaha dhala paemo nakofahalaaꞌa, pakade mie bhahi maitu kao-kaomo daehabumo kahungga. Dadiꞌanomo nealamo oe maka newanu ne wisendo mie bhahi bhe nopugau ambano, “Miina akokaꞌala ne heano mie aini; nopulimo ne wutomiu.”

Yohanes 18:31

Ambano Pilatus, “Wowoꞌoeꞌomu maka bhotusiꞌao wutomiu angkafi tubhono agamamiu.” Ambado miendo Yahudi, “Insaodi miina damolalesa kainsami taepongko mie.”

Matius 27:4

bhe nopugau ambano, “Ingka akodhosamo aeowangkoomu heano mie tapa kokaꞌala.” Tamaka tadotobhoosi ambado, “Ingka suano nepandeꞌao mania, nopulimo ne wutomu!”

Tula-tulando rasulu 18:13

Ambado, “Mie aini nowudhu mie bhahi dasumombai Lahataꞌala, tamaka kafoguhuno naꞌa nopoewangi bhe tubhono agama Yahudi weo Kitabino Musa.”