Tula-tulando rasulu 18:13 - Muna Southern Dialect

¹³ Ambado, “Mie aini nowudhu mie bhahi dasumombai Lahataꞌala, tamaka kafoguhuno naꞌa nopoewangi bhe tubhono agama Yahudi weo Kitabino Musa.”

Tula-tulando rasulu 18:13 Referans Kwoze

Tula-tulando rasulu 25:8

Tamaka Paulus nopotunduꞌaomo wutono ambano, “Idi bhe naseendai miina akokaꞌalaa, mahingga ne tubhono agama Yahudi, mahingga ne Lambuno Lahataꞌala tawa ne Omputo Kaisar, miina dua.”

Tula-tulando rasulu 21:28

bhe dokei ambado, “Miendo Israel, hamba kainsami! Ainiꞌaemo ini mie mefoguhuno sabhaha mie ne amai onuno liwu so damewangiꞌao intaodiomu miendo Yahudi, dahumunsa tubhono agama Yahudi bhe damekandidiki Lambuno Lahataꞌala ini! Pakade aitu newowoꞌomo dua miendo Yunani dopesua weo Lambuno Lahataꞌala dofekaharamu lambu mongkilono ini!”

Tula-tulando rasulu 6:13

Andoa deowaꞌi dua sakusii megau-gauno. Ambado sakusii naꞌa, “Mie aini miina bhe fetumpua nofekandidiki Lambu mongkilono ini bhe Kitabino Musa.

Tula-tulando rasulu 18:15

Tamaka nepoꞌala-alatiꞌaomiu ini, ingka poꞌalati kaowu wamba, o nea bhe tubhono agama sapada-pada hintimiu. Dadiꞌanomo fosintuwuꞌao wutomiu, o idi aongahe aebhotusi giu medano aitu.”

Tula-tulando rasulu 18:4

Seꞌo-seꞌoleono Sabat Paulus nokala nopuga-pugau bhe miendo Yahudi bhe Yunani we lambu kasambaheaꞌa, patudhuno namoparasaeada dua ne Yesus.

Yohanes 19:7

Ambado miendo Yahudi, “Insaodi bhe tubhono agama mani; ane damangkafi tubho anaꞌa, tetewei namate mbaꞌinomo nokona wutono Anano Lahataꞌala.”