Tula-tulando rasulu 18:10 - Muna Southern Dialect

¹⁰ O idi apobhaiangko kansuhu, pae bhe so dumingkukoa tawa modee-deekoa hampano dobhahi umatiku weo kota aini.”

Tula-tulando rasulu 18:10 Referans Kwoze

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Roma 8:31

Dofekihi bhahi-bhahiꞌae naꞌa, kaowu damugaumo nada amai bhahaa? Ane Lahataꞌala notai ne intaodiomu, laꞌae bhahaa so mondoino foewangino?

Yohanes 10:16

Nandoo dua dhumbaku sigaoꞌano tapa maiꞌaono ne katondo aini. Andoa maitu tetewei dua amatoda maka datumandaiꞌe dua suahaku, dadiꞌanomo daembalimo naseguluma, dhagando naseemie.

2 Timotius 4:22

Sio-siomo Ompu napobhaiꞌao totono lalomu. Sio-siomo dua namaꞌangkoomu kabarakatino.

Yohanes 11:52

Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.

Matius 10:30

Hintimiu itu bhemo wuluno fotumiu dopadae doꞌeapie.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Lukas 21:18

Tamaka bhe nasetangke wuluno fotumiu pae namiinaea.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Tula-tulando rasulu 15:14

Simon kaneꞌo pada netula-tulaꞌao kabhao-bhaono Ompu Lahataꞌala noꞌondofao mie suano Yahudi, patudhuno naepili ne olotando so membalino umatino.

Tula-tulando rasulu 18:9

Sealo Paulus nokopowoha, nofetingke Ompu nokowamba ne anoa, “Koe moteꞌia, fokansuhumo folele Bhihita Metaa, tapugaumo.

Tula-tulando rasulu 18:11

Paulus neate ne itu setaꞌu nomo wula bhe nofoguhuanda kansuhu bhoasaono Lahataꞌala.