Tula-tulando rasulu 17:32 - Muna Southern Dialect

³² Dofetingke kawanuꞌando mie mate, nandoo tadebheu bhe dofuta-futaaꞌie. Tamaka nandoo dua mugauno ambado, “Gao mani tametingke toha tana sepaku metula-tulaꞌao medano aitu.”

Tula-tulando rasulu 17:32 Referans Kwoze

Tula-tulando rasulu 26:8

Noafa fisikopahaaneomu putae Lahataꞌala nefowanu mie mate?

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

2 Korintus 6:2

Kapaꞌamo Lahataꞌala nokobhoasao ⸤ weo Kitabi⸥ , “Ne wakutuu nepoindaloku afetingkekomo, ne oleono kafosalamatiꞌa atulumikomo.” Tandaiꞌeomu, ainimo wakutuu nepoindalono Lahataꞌala, ainimo oleo kafosalamatiꞌa naꞌa.

Tula-tulando rasulu 25:19

Ampamo kaowu doposala-salamaꞌanaꞌao agamando. Dopotagaliꞌao seemie koneaꞌano Yesus nomatemo, tamaka ambano Paulus mie amaitu suli nodadi.

Tula-tulando rasulu 24:25

Tamaka hato Paulus nopugauꞌao dadi banara, damewanaki totono lalo bhe kabhotusi nahumato Oleono Kiama, gubernur Feliks noteꞌimo. Nopugaumo ambano, “Netaamo, kalamo kadeki. Ane bhe kasalawa metaa madaꞌo toha asumaliꞌiko.”

Tula-tulando rasulu 2:13

Tamaka nandoo dua bihidhingida ambado, “Andoa ini dololanuꞌao angguru momeko.”

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

Tula-tulando rasulu 17:31

Kapaꞌamo padamo nofotantue tempono so dabhitahakiꞌao manusia kosedhuniaꞌae ini, naposahataa bhe podiundo seemie-seemiea. O mie so fobhitahakino naꞌa padamo dua nofotantue, maka mbali tandano so doparasaeaꞌao sabhaha mie, Lahataꞌala nofowanue maiꞌao ne mate.”

Lukas 14:18

Tamaka kosasawindo desalo maꞌafu deꞌondofi tingku. Nopugaumo seemie ambano, ‘Kaneꞌo aeꞌoli kaampo, dadiꞌanomo akumala aꞌumondoe beano. Aesalo maꞌafu.’

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

Tula-tulando rasulu 13:41

‘Hintimiu fofompina-mpinano tandaiꞌeomu, menteomu maka mosuniomu, kapaꞌamo ne dhamanimiu aefokonandooangkoomu kadhadhia so tapa neparasaeamiu mahingga datumula-tulaangkoeꞌomu!’ ”

Ibrani 13:13

Dadiꞌanomo mai dokalaomu se Anoa we sembalino kapoliwuꞌa, daeala dawu weo kafekaꞌaebu nenamisino.

Ibrani 11:36

Nandoo dua doele-eleda, dohambisianda habuta, dokatapuanda hante maka dofopesuada weo katohongku.

Lukas 23:36

O tantara doele-elee dua bhe domai dowaꞌane angguru mokolo.

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Lukas 22:63

Mie dhumaganino Yesus doele-elee bhe dohambisie.

Tula-tulando rasulu 17:33

Pedamo aitu Paulus nohunsamo hompuꞌa anaꞌa.

1 Korintus 15:12

Ane taefebhihitaiꞌao putae Kristus dofowanue maiꞌao ne mate, nada amai bhahaa nandoo dua ne olotamiu itu mugauno putae miina bhe kawanuꞌando mie mate?