Tula-tulando rasulu 17:28 - Muna Southern Dialect

²⁸ Kapaꞌamo intaodiomu ini dodadi, dokodiu bhe donandooꞌomu ne dhunia ini hampano kuasano Lahataꞌala. Aini noposahataa dua bhe nekosuahaꞌaondo pande buhimiu, ambado, ‘Intaodiomu ini saneamo dua sampuꞌano Lahataꞌala.’

Tula-tulando rasulu 17:28 Referans Kwoze

Kolose 1:17

Anoa nonandoomo wawo bhe sabhaha ndumandooꞌano; hampano kuasano Anoa bhahi-bhahiꞌae ndumandooꞌano pae naohungga, sadaa-daa kaeateꞌando.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Lukas 20:38

Ompu suano Lahataꞌalando mie mate, tamaka Lahataꞌalando mie dumadi. Kapaꞌamo ne wiseno Lahataꞌala kosasawindo mie dodadi.”

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Yohanes 11:25

Ambano Yesus, “Idimo ini fofowanuno maiꞌao ne mate bhe meowano dadi. Sasuka marasaeano ne Idi nadumadi mahinggamo nomatemo.

Ibrani 12:9

Kosasawintoomu bhe amantoomu we dhunia ini maka andoa dotangahi bhe dohukumu kaita, katifosibhalaꞌandomo. Sanginomo amantoomu we dhunia ini pedamo anaꞌa, bhemo toha Amantoomu te surugaa, ingka teteweimo nasedhuluꞌa dua damotuhu wutontoomu ne Anoa so dadumadiꞌao.

Lukas 3:38

anano Enos, anano Set, anano Adam, anano Lahataꞌala.

Titus 1:12

Nandoo seemie anabii, miendo dua Kreta, nopugau ambano, “Miendo Kreta sadhia dokopaha, andoa tapedamo kadadi fohumaano, dokadau-dau bhe domantawa.”

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.