Tula-tulando rasulu 17:23 - Muna Southern Dialect

²³ Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.

Tula-tulando rasulu 17:23 Referans Kwoze

Yohanes 4:22

Hintimiu ⸤ miendo Samaria⸥ sombaiꞌomu tapa nepandeꞌaomiu, insaodi ⸤ miendo Yahudi⸥ tasombai nepandeꞌao mani, kapaꞌamo kasalamati noangka ne miendo Yahudi.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

2 Tesalonika 2:4

Anoa ini mewangino Lahataꞌala, namekalangke wutono te wawono sabhaha nekonando ompu bhe nesombaindo manusia. Bhahamoa sampe naengkoha weo Lambuno Lahataꞌala maka nakumona wutono Lahataꞌala ne wisendo mie bhahi.

Efesus 2:12

Wakutuu anaꞌa miinaꞌo bhe taiꞌamiu ne Kristus, hintimiu mie we sembalino miendo Israel, miinaꞌo tilentuomu umati nepilino Lahataꞌala. Miinaꞌo dua mealaomu dawu weo podhandino Lahataꞌala toka nedhandiꞌaono ne umatino. Hintimiu dadiomu te dhunia miinaꞌo bhe neposahunaꞌaomiu, miina dua mandeꞌaoꞌomu Lahataꞌala.

1 Korintus 8:5

Kapaꞌamo mahinggamo nandoo nekonando dewa tawa kaompu-ompu naetaa te lani naetaa we dhunia ini (ingka daanumo anoamo, nobhahi dewa bhe kaompu-ompu),

Yohanes 8:54

Ambano Yesus, “Ane amosibhala kaowu Wutoku, miina nakoꞌulu-uluꞌa. Tamaka mosibhala kanau ingka Amaku, Anoamo itu nekonamiu Lahataꞌalamiu.

Matius 15:9

Miina nakoꞌuluꞌa dosombai kanau, kapaꞌamo kafoinaꞌu nefoguhuꞌaondo pahintano manusia.’ ”