Tula-tulando rasulu 17:18 - Muna Southern Dialect

¹⁸ Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Tula-tulando rasulu 17:18 Referans Kwoze

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

Tula-tulando rasulu 4:2

Andoa ini nosodo sepaliꞌa lalondo mbaꞌinomo Petrus bhe Yohanes dofoguhu mie bhahi putae Yesus nosuli nodadi. Aini nembalimo tandano kawanuꞌando kosasawindo mie mate.

Lukas 11:53

Nokala kaowu nomaiꞌao ne itu pande-pande Kitabi bhe miendo Farisi dopoewangianemo sepaliꞌa bhe doangka-angkafiane kansuhu sabhaha kafeena.

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

Roma 1:22

Doabhi wutondo dopandemo, gahaꞌaitumo dobhohe.

Tula-tulando rasulu 26:23

Bhihita anaꞌa peda ini: Mesias, Omputo Fosalamatino maitu, tetewei naenamisi kakadee-dee maka Anoamo so maꞌindulu manuno maiꞌao ne mate, pakade Anoamo dua so meowano tilanga fosalamatino, naetaa ne miendo Yahudi, naetaa ne bansano liwu sigaoꞌano.”

Markus 9:14

Yesus bhe anaguhuꞌino totoluno maitu dosulimo toha we anaguhuꞌino sigaoꞌano, gahaꞌa dowohadamo nandoo dolibu-libuda mie bhahi. Nandoo dua pande-pande Kitabi tangasano dopotaga-tagali bhe andoa.

Tula-tulando rasulu 6:9

Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.