Tula-tulando rasulu 17:17 - Muna Southern Dialect

¹⁷ Dadiꞌanomo Paulus nopesua weo lambu kasambaheaꞌa nopuga-pugau bhe miendo Yahudi bhe mie moteꞌino ne Lahataꞌala. Peda dua aitu seꞌo-seꞌoleo nokala we daoa nopuga-pugau bhe mie nepoꞌawaꞌaono.

Tula-tulando rasulu 17:17 Referans Kwoze

Tula-tulando rasulu 13:16

Pada aitu Paulus noehemo poowa noaleda keana dohobho maka nopugau, “Bhahitieꞌiku miendo Israel bhe bhahitieꞌiku sigaoꞌano moteꞌino ne Lahataꞌala, fetingke kanauꞌomu!

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Lukas 12:3

Dadiꞌanomo pugaumiu kohondoꞌa natifetingke ole-oleo, nepokamuntuiꞌaomiu weo boloku damolelee ne mie bhahi.

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

2 Timotius 3:2

O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Tula-tulando rasulu 8:2

Mie lumebeno dokalamo dokobuhu maeatino Stefanus bhe dekangkoꞌae.

Tula-tulando rasulu 13:43

Dopuli kaowu dolimba, dobhahi miendo Yahudi bhe koliwuno mesuano agama Yahudi doangkafimo Paulus bhe Barnabas. Andoa dofoinaꞌuda rasulu hoduano maitu neanomo sadaa-daa dadumadi damasande ne rahamatino Lahataꞌala.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.