Tula-tulando rasulu 17:14 - Muna Southern Dialect

¹⁴ Bhahitie marasaeano ne kota aitu lasao dotudu Paulus nakumala we wiwino teꞌi. Tamaka Silas bhe Timotius daa-daada we Berea.

Tula-tulando rasulu 17:14 Referans Kwoze

Tula-tulando rasulu 17:10

Alo aitu dua bhahitie marasaeano ne kotano Tesalonika maitu lasao dotudu Paulus bhe Silas dakumala we kotano Berea. Sahatondo we naꞌa dokala we lambu kasambaheaꞌando miendo Yahudi.

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Tula-tulando rasulu 16:1

Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.

Tula-tulando rasulu 9:25

Tamaka sealo mie mangkafie dofopesua Saulus weo kalangka maka dofosibulue we sewetano benteno kota.

Titus 1:5

Patudhuku ahunsako we witeno Kreta so mekataaꞌiꞌao pataꞌo tiꞌatoroꞌano. Patudhuku dua mesangke kamungkulaꞌi so neangkando umati ne seꞌonu-seꞌonu liwu, peda nefohatoꞌaoku kohaꞌanomo.

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

Tula-tulando rasulu 20:3

Nokapo tolu wula neate ne itu, patudhuno nahumope we kadieno Siria. Nobhingke nakumala, gahaꞌa tanonandoomo bhihita putae miendo Yahudi dopugau-gau damongkoe. Dadiꞌanomo nobhotusiemo nasumuli kundono namangka we kadieno Makedonia.

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

Tula-tulando rasulu 17:4

Nandoo marasaeano maka doangkafi Paulus bhe Silas. Dobhahi miendo Yunani moteꞌino ne Lahataꞌala marasaeano, bhe dobhahi dua hobhineꞌi tiangkano marasaeano.

Tula-tulando rasulu 17:6

Tamaka miina daohadaa. Miina kaowu daohada dobulu-bulumo Yason bhe bhahitie marasaeano doowada ne kabhalaꞌino kota. Dopokakei-kei ambado, “O mie mehabuno kahunggano liwu ne kosedhuniaꞌae gahaꞌa dohatomo dua ne ini!

Tula-tulando rasulu 17:15

Mie poangkaꞌaono Paulus doatoe ampa we kotano Atena maka dosuli dewowoꞌo kaowili so Silas bhe Timotius neanomo dapikiangkafie.

Tula-tulando rasulu 18:5

Dohato Silas bhe Timotius domaiꞌao we kadieno Makedonia, Paulus nofosibhalamo nopuga-pugau bhe miendo Yahudi. Andoa nofohatoanda putae Yesus maitu kotu-kotuꞌu Mesias, Omputo Fosalamatino.